Azərbaycan Respublikası Mərkəzi Seçki
Komissiyasının 5 oktyabr 2005-ci il tarixli
32/148 saylı Qərarı ilə təsdiq edilmişdir

Azərbaycan Respublikasının Milli Məclisinə seçkilərdə
iştirak etmək hüququna malik olan Azərbaycan Respublikası vətəndaşlarının və vətəndaşlığı olmayan şəxslərin səsvermədə istifadə etdikləri,
şəxsiyyətlərini təsdiq edən sənədlərin

S İ Y A H I S I

1. Seçki hüququ olan Azərbaycan Respublikasının vətəndaşları Azərbaycan Respublikası ərazisində səsvermə zamanı aşağıdakı sənədlərdən istifadə edirlər:

–Azərbaycan Respublikası vətəndaşının şəxsiyyət vəsiqəsi;
–Azərbaycan Respublikası vətəndaşının müvəqqəti şəxsiyyət vəsiqəsi.

2. Azərbaycan Respublikası ərazisində azı 5 il daimi yaşayan vətəndaşlığı olmayan şəxslər:
–vətəndaşlığı olmayan şəxsin şəxsiyyət vəsiqəsi.

3. Həqiqi və ya müddətli hərbi xidmətdə olan hərbi qulluqçular:
–zabitin şəxsi vəsiqəsi;
–hərbi bilet.

4. Qaçqın və məcburi köçkün vətəndaşlar:
bu siyahının 1-ci bəndində göstərilən şəxsiyyətlərini təsdiq edən sənəd yoxdursa, Azərbaycan Respublikası Qaçqınların və Məcburi Köçkünlərin İşləri üzrə Dövlət Komitəsi tərəfindən müəyyənləşdirilmiş formalı vəsiqə.

5.Barələrində həbs növündə qətimkan tədbiri seçilərək istintaq təcridxanalarında saxlanılan təqsirli bilinən şəxslər:
–Azərbaycan Respublikası Ədliyyə Nazirliyinin MQİBİ tərəfindən verilmiş
təqsirli bilinən vətəndaşın şəxsiyyətini təsdiq edən sənəd;

6. Azadlıqdan məhrumetmə yerlərində və xüsusi müəssisələrdə cəza çəkən məhkumlar:
–Azərbaycan Respublikası Ədliyyə Nazirliyinin MQİBİ tərəfindən verilərək məhkumun şəxsiyyətini təsdiq edən sənəd.

Seçki prosesində yuxarıda göstərilənlərdən savayı, digər sənədlərdən istifadə olunması yolverilməzdir.