2002-ci il aprelin 15-də Azərbaycan Respublikası Milli Məclisinə 24 saylı Nərimanov I, 29 saylı Əli-Bayramlı-Salyan, 31 saylı Kəpəz seçki dairələri üzrə əlavə seçkilər keçirilmişdir.Seçkidə seçici siyahılarına daxil edilmiş 120.224 nəfər vətəndaşdan 64,73 faizi iştirak etmişdir.
Ölkədə 2002-ci il avqustun 24-də keçirilmiş ümumxalq səsverməsi (referendum) Azərbaycan Respublikası konstitusiyasında dəyişikliklər edilməsi məsələsinə həsr edilmişdir. Ümumxalq səsverməsi başa çatdıqdan sonra Azərbaycan Respublikasının Mərkəzi Seçki Komissiyası referendum dairələri dairə seçki komissiyalarının səslərin hesablanması haqqında protokollarına əsasən müəyyən etmişdir ki, ölkə üzrə 100 referendum dairəsindən (42 saylı Xankəndi referendum dairəsi istisna edilməklə) 99-da səsverənlər siyahılarına daxil edilmiş seçki hüququ olan 4.449.260 Azərbaycan Respublikası vətəndaşından 3.731.051 nəfəri və ya 83,86 faizi referendumda iştirak edərək səs vermişdir.
2002-ci il noyabrın 2-də Azərbaycan Respublikasının bəzi ərazilərində yeni bələdiyyə yaradılması və sıradan çıxmış bələdiyyə üzvlərinin yerinin tutulması üçün seçkilər keçirilmişdir. Seçkilər Bakı şəhərinin 11 saylı, Xətai seçki ərazisinin 113 və 114 saylı məntəqələrində, həmçinin 54 saylı Masallı seçki ərazisinin 3 saylı məntəqəsində səsvermənin nəticələri etibarsız sayılmışdır.
Bakı şəhəri Binəqədi rayonunun Xocasən qəsəbəsində yeni bələdiyyə yaradılmış və respublikanın bələdiyyələrinə seçkilər üzrə bəzi seçki ərazilərində sıradan çıxmış bələdiyyə üzvlərinin yerinin tutulması üçün 2 noyabr 2002-ci ildə 58 seşki ərazisində 546 bələdiyyəyə seçkilər keçirilmişdir.
963 seçki məntəqəsi üzrə seçici siyahılarına daxil edilmiş 880.964 seçicidən 369.106 nəfəri, yəni 44,96 faizi seçkidə iştirak etmiş, beləliklə, “Bələdiyyələrə seçkilərin qaydaları haqqında” Azərbaycan Respublikası Qanunna uyğun olaraq seçkilər baş tutmuşdur.
Bələdiyyələrdə 743 yerə seçilməkdən ötrü 1604 vətəndaşın namizədin namizədliyi səsə qoyulmuş və onlardan səsvermədə daha çox səs toplamış şəxslər bələdiyyələrə üzv seçilmişdir.