2001-ci il yanvarın 7-də Azərbaycan Respublikasının Milli Məclisinə 7 saylı Yasamal II, 9 saylı Xətai I, 10 saylı Xətai II, 38 saylı Sumqayıt I, 51 saylı Ağsu-Kurdəmir, 53 saylı Astara, 56 saylı Bərdə şəhər, 65 saylı Qusar, 68 saylı İmişli, 94 saylı Hacıqabul- Salyan və 99 saylı Şəmkir seçki dairələri üzrə əlavə seçkilər keçirilmişdir.
Bu seçkilər üçün seçki dairələrində dairə və məntəqə seçki məntəqə komissiyaları1/3 prinsipi ilə yeni tərkibdə təşkil edilmişdi.
Milli Məclisə təkrar seçkilərdə birmandatlı seçki dairələri üzrə 147 vətəndaş deputatlığa namizədliyinin irəli sürülməsi üçün dairə seçki komissiyalarından imza vərəqələri almış, onlardan 111 nəfəri bildiriş sənədlərini (o cümlədən, doldurulmuş imza vərəqələrini) komissiyalara təqdim etmişdir. Bunlardan 90 nəfərin namizədliyi dairə seçki komissiyalarında qeydə alınmış, 14 nəfər isə sonradan namizədliyini geri götürmüşdür.
Təkrar seçkilərdə adları seçki bülletenlərinə daxil edilmiş 76 namizəddən 34 nəfəri bitərəf, 37-si 9 siyasi partiyanın nümayəndəsi idi.
Azərbaycan Respublikasının Milli Məclisinə təkrar seçkilərdə səsvermədə 11 seçki dairəsinin 544 seçki məntəqəsi üzrə seçici siyahılarlna daxil edilmiş 480.185 vətəndaşın 71,33 faizi iştirak etmişdir.
Ümumiyyətlə ikinci çağırış Azərbaycan Respublikasının Milli Məclisinə birmandatlı 99 seçki dairəsi üzrə 5 noyabr 2000-ci ildə və 7 yanvar 2001-ci ildə keçirilmiş seçkilərdə 4.964 seçki məntəqəsində seçici siyahılarında olan seçicilərin 68.93 faizi iştirak etmişdir. 2.926.904 seçki bülleteni etibarlı hesab edilmiş, adları seçki bülletenində olan namizədlərin lehinə 2.888.813 nəfər, əleyhinə isə 38.091 nəfər səs vermişdir. Birmandatlı seçki dairələri üzrə Azərbaycan Respublikasının Milli Məclisinə seçilmiş deputatların 27 faizini bitərəflər, 73 faizini partiya üzvləri təşkil edirdi.

2001-ci il aprelin 27-də Azərbaycan Respublikasının bəzi bələdiyyələrinə yeni seçkilərin keçirilməsi nəzərdə tutulan 43 seçki ərazisi seçki keçirilmişdir. Seçici siyahısına daxil edilmiş 444.289 nəfər vətəndaşdan 205.806-si və ya 46,32 faizi seçkilərdə iştirak etmişdir.

2001-ci il noyabrın 16-da Azərbaycan Respublikasının Milli Məclisinə 528 saylı Ağcabədi və 871 saylı Tovuz şəhər seçki dairəsi üzrə əlavə seçkilər keçirilmişdir. Seçici siyahısına daxil edilmiş 87.327 vətəndaşdan 60.69 faizi seçkilərdə işt irak etmişdir.