Azərbaycan Respublikasının Mərkəzi Seçki Komissiyası tərəfindən müəyyən edilmiş seçki dairələrinin dislokasiyalarına respublikamızda aparılan sürətli iqtisadi inkişafın nəticəsi olaraq vaxtaşırı yeni ünvanlar əlavə edilir və mövcud ünvanda müvafiq dəyişikliklər aparılır. Həmin işin daim nəzarətdə saxlanması və bununla əlaqədar seçki dairələrinin mövcud dislokasiyalarında müvafiq dəyişikliklərin aparılması zəruridir. Bu cür dəyişikliklər Mərkəzi Seçki Komissiyası tərəfindən daim nəzarətdə saxlanılmaqla yanaşı Mərkəzi Seçki Komissiyası nəzdində fəaliyyət göstərən və mütəxəssislərdən ibarət olan seçki dairələrinin sərhədlərinin müəyyən edilməsi üzrə komissiya, Mərkəzi Seçki Komissiyasının nəzdində “Seçkilər” İnformasiya Mərkəzi və Mərkəzi Seçki Komissiyası Katibliyinin təşkilat şöbəsi tərəfindən bilavasitə həyata keçirilməlidir.

Yuxarıda qeyd edilənləri nəzərə alaraq Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.14-cü, 28.2-ci, 28.4-cü, 29-cu, 46.1-ci, 46.12-ci və 110.1-ci  maddələrinə uyğun olaraq   q ə r a r a  a l ı r :

1. Seçki dairələrinin mövcud dislokasiyalarında dəyişiklik edilmiş ünvanlarla qanunvericiliyə müvafiq olaraq işin aparılması Mərkəzi Seçki Komissiyası nəzdində fəaliyyət göstərən və mütəxəssislərdən ibarət olan seçki dairələrinin sərhədlərinin müəyyən edilməsi üzrə komissiyaya, Mərkəzi Seçki Komissiyası Katibliyinin təşkilat şöbəsinə və Mərkəzi Seçki Komissiyası nəzdində ”Seçkilər” İnformasiya Mərkəzinə həvalə edilsin.
2. Həmin fəaliyyətə dair hesabatların Mərkəzi Seçki Komissiyasının nəzarətində saxlanılması təmin edilsin.
3. Bu qərar dərc edildiyi gündən qüvvəyə minir.

Sədr                          Məzahir Pənahov

Müavin                      Svetlana Qasımova

Katib                         Natiq Məmmədov

Üzvlər:                     

Fuad Cavadov

Ramiz İbrahimov

Validə Kazımova

Qabil Orucov

Tofiq Həsənov

İlham Məmmədov

Nizami Nadirov

Azər Tağıyev

Akif Qurbanov

Almas Qəhramanlı

Oktay Hümbətli