[24.09.05]
Sentyabrın 24-də Məzahir Pənahovun sədrliyi ilə Mərkəzi Seçki Komissiyasının növbəti iclası keçirilmişdir.
Əvvəlcə bəzi seçki dairələri dairə seçki komissiyalarının tərkibində dəyişiklik edilməsi ilə bağlı məsələ müzakirəyə çıxarılmışdır. Komissiya 21 saylı Nəsimi birinci və 95 saylı Tərtər seçki dairələri dairə seçki komissiyalarının tərkibində dəyişiklik edilməsi ilə bağlı qərarlar qəbul etmişdir.
Sonra MSK üzvü Azər Tağıyev 2005-ci il noyabrın 6-na təyin edilmiş Azərbaycan Respublikasının Milli Məclisinə seçkilərlə əlaqədar seçkiqabağı təşviqat qaydalarının pozilmasına dair məsələ barədə məlumat vermişdir. O, bəzi teleradio təşkilatları və Milli Məclis deputatlığına namizədlər tərəfindən Seçki Məcəlləsinin seçkiqabağı təşviqatın aparılması ilı bağlı tələblərinin pozulduğunu bildirmiş. Komissiyanın digər üzvləri də bəzi kütləvi informasiya vasitələrinin sözügüdən məsələ ilə bağlı qanun pozuntusuna yol verdiklərini qeyd etmişlər. Bu məsələ ilə bağlı Mərkəzi Seçki Komissiyası nəzdində seçkiqabağı təşviqat üçün müəyyən edilmiş qaydalara riayət olunmasına nəzarət edən Mətbuat Qrupunun bəzi üzvlərinin də fikirləri dinlənilmişdir. MSK üzvlərinin ümumi rəyi bundan ibarət olmuşdur ki. seçkiqabağı təşviqat qaydalarını pozan media vasitələrinə müraciət ünvanlansın.
İclasda Komissiyaya daxil olmuş müraciətlər də müzakirə edilmişdir. Müraciətlərdən 13-ü ilkin arşdırma aparılması və Mərkəzi Seçki Komissiyasına məlumat verilməsi üçün müvafiq dairə seçki komissiyalarına göndərilmişdir. Müzakirəyə çıxarılan müraciətlərdən 4-nün isə Daxili İşlər Naziriliyinə göndərilməsi haqqında qərar qəbul edilmişdir.
MSK cari məsələlərə də baxmışdır.
Mərkəzi Seçki Komissiyasının iclasında ATƏT-in Demokratik Təsisatlar və İnsan Hüquqları Bürosunun ekspertləri, Seçki Sistemləri üzrə Beynəlxalq Fondun təmsilçiləri, kütləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
mətbuat xidməti

[22.09.05]
Sentyabrın 22-də Məzahir Pənahovun sədrliyi ilə Mərkəzi Seçki Komissiyasının növbəti iclası keçirilmişdir.
Əvvəlcə Mərkəzi Seçki Komissiyasının 12 avqust, 15 avqust, 23 avqust, 27 avqust və 2 sentyabr 2005-ci il tarixli protokolları təsdiq edilmişdir.
Sonra bəzi seçki dairələri dairə seçki komissiyalarının tərkibində dəyişikliklər edilmişdir.
Mərkəzi Seçki Komissiyasının katibləri Vidadi Mahmudov və Natiq Məmmədov bəzi seçki dairələrinin hüdudlarında dəqiqləşdirilmə aparılmasna dair məsələ barədə məlumat vermişlər. MSK 20 saylı Nərimanov ikinci, 31 Suraxanı ikinci, 32 saylı Suraxanı üçüncü, 33 saylı Xətai birinci, 36 saylı Xətai dördüncü və 38 saylı Nizami ikinci (Gəncə) seçki dairələrinin hüdudlarında dəqiqləşdirilmə aparılması haqqında qərar qəbul etmişdir.
İclasda Komissiyaya daxil olmuş müraciətlər də müzakirə olunmuşdur. Müraciətlərdən 16-sı ilkin arşdırma aparılması və Mərkəzi Seçki Komissiyasına məlumat verilməsi üçün müvafiq dairə seçki komissiyalarına göndərilmişdir. Müzakirəyə çıxarılan müraciətlərdən 1-i Respublikanın Baş Prokururluğuna, 1-i Daxili İşlər Naziriliyinə, 1-i isə Gəncə şəhər Polis İdarəsinə göndərilmişdir.
İclasda cari məsələlərə də baxılmışdır.
Mərkəzi Seçki Komissiyasının iclasında ABŞ səfirliyinin, Seçki Sistemləri üzrə Beynəlxalq Fondun təmsilçiləri, kütləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
mətbuat xidməti

[14.09.05]
Sentyabrın 14-də Məzahir Pənahovun sədrliyi ilə Mərkəzi Seçki Komissiyasının növbəti iclası keçirilmişdir.
Əvvəlcə Mərkəzi Seçki Komissiyasına daxil olan müraciətlərə baxılmışdır.
Müracitlərdən biri araşdırılmaq üçün Bakı şəhər Baş Polis İdarəsinə, on biri isə isə araşdırılb MSK-ya məlumat verilməsi üçün müvafiq seçki dairələrinin seçki komissiyalarına göndərilmişdir.
Sonra Mərkəzi Seçki Komissiyasının katibi Vidadi Mahmudov bəzi seçki dairələrinin hüdudlarında dəqiqləşdirilmə aparılmasna dair məsələ barədə məlumat vermişdir. Komissiya 14 sayl Əzizbəyov ikinci, 19 saylı Nərimanov birinci, 35 saylı Xətai üçüncü, 37 saylı Nizami birinci(Gəncə), 38 saylı Nizami ikinci(Gəncə) və 40 saylı Kəpəz ikinci seçki dairələrinin hüdudlarında dəyişiklik aparılması haqqında qərar qəbul etmişdir.
İclasda cari məsələlərə də baxılmışdır.
Mərkəzi Seçki Komissiyasının iclasında Seçki Sistemləri üzrə Beynəlxalq Fondun, ATƏT-in təmsilçiləri, kütləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
mətbuat xidməti

[10.09.05]
Sentyabrın 10-da Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.
Əvvəlcə Mərkəzi Seçki Komissiyasının katibi Vidadi Mahmudov Azərbaycan Respublikasının Milli Məclis deputatlığına qeydə alınmış namizədlərin öhdəlik ərizəsi nümunəsinin layihəsi barədə məlumat vermişdir. Komissiya həmin öhdəlik ərizəsinin nümunəsini təsdiq etmişdir.
Sonra 122 saylı Xankəndi seçki dairəsi dairə seçki komissiyasının seçki məntəqələrinin yaradılması barədə təklifi müzakirəyə çıxarılmışdır. MSK 122 saylı Xankəndi seçki dairəsində 9 məntəqənin yaradılması haqqında qərar qəbul etmişdir.
İclasda Mərkəzi Seçki Komissiyasına daxil olmuş müraciətlər də müzakirə olunmuşdur. Müraciətlərdən biri araşdırılmaq üçün Masallı rayon Prokurorluğuna göndərilmişdir. Digər müracirələr barədə müvafiq qərarlar çıxarılmışdır.
MSK bəzi seçki dairələri dairə seçki komissiyalarının tərkibində dəyişiklik etmişdir.
Sonra ödənişsiz efir vaxtının bölgüsü ilə əlaqədar püşkatmanın keçirilməsinə dair məsələ barədə Komissiyanın üzvü Azər Tağıyev məlumat vermişdir. Püşkatmanın keçirilməsi üçün 3 nəfər MSK üzvündən ibarət Komissiya yaradılmışdır. Püşkatma Komissiyasına Mərkəzi Seçki Komissiyasının üzvləri Fuad Cavadov, Azər Tağıyev və Yusif Bağırzadə daxil edilmişlər. Sonra bir mandatlı seçki dairələrinin 60-dan çoxunda namizədləri qeydə alınmış siyasi partiyalar və siyasi partiyalar blokları, yəni Yeni Azərbaycan Partiyası, Azərbaycan Liberal Partiyası, “Azadlıq” siyasi partiyalar bloku və “Yeni Siyasət” siyasi partiyalar bloku arasında “Azərbaycan Televiziya və Radio Verilişləri” Qapalı Səhmdar Cəmiyyətinin televiziya və radio efirində, İctimai Televiziya və Radio Yayımları Şirkətinin televiziya efirində ödənişsiz vaxtın bölgüsü ilə əlaqədar püşkatma keçirilmişdir. Mərkəzi Seçki Komissiyası püşkatmanın nəticələrini təsdiq etmişdir.
Komissiyanın iclasında cari məsələlərə də baxılmışdır.
Mərkəzi Seçki Komissiyasının iclasında ATƏT-in Demokratik Təsisatlar və İnsan Hüquqları Bürosunun, Seçki Sistemləri üzrə Beynəlxalq Fondun təmsilçiləri, kütləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
mətbuat xidməti

[07.09.05]
Sentyabrın 7-də Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.
Komissiyanın üzvü Azər Tağıyev “Azərbaycan Respublikası Milli Məclisinə seçkilərdə seçkiqabağı təşviqatın aparılması ilə əlaqədar televiziya və radio təşkilatlarının kanallarında efir vaxtının verilməsi və dövri nəşrlərdə seçkiqabağı təşviqat materiallarının dərc edilməsi qaydaları haqqında Təlimat”ın layihəsi barədə məlumat vermişdir. MSK sözügedən Təlimatın layihəsini təsdiq etmişdir.
Sonra MSK katibləri Natiq Məmmədov və Vidadi Mahmudov MSK-ya daxil olmuş müraciətlər barədə məlumat vermişlər. Mərkəzi Seçki Komissiyası həmin müraciətlər haqqında müvafiq qərarlar qəbul etmişdir.
Mərkəzi Seçki Komissiyası bəzi seçki dairələri dairə seçki komissiyalarının tərkibində dəyişikliklər etmişdir.
İclasda Milli Məclisə seçkilərlə əlaqədar bildiriş nümunəsinin təsdiqi haqqında qərar qəbul olunmuşdur.
Komissiyanın iclasında cari məsələlər də müzakirə edilmişdir.
MSK-nın iclasında Seçki Sistemləri üzrə Beynəlxalq Fondun təmsilçiləri və kütləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
mətbuat xidməti

[02.09.05]
Sentyabrın 2-də Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.
Əvvəlcə MSK sədrinin müavini Svetlana Qasımova və Komissiyanın katibi Vidadi Mahmudov bəzi seçki dairələri dairə seçki komissiyalarının tərkibində dəyişikliklər edilməsinə dair məsələ barədə məlumat vermişlər. Mərkəzi Seçki Komissiyası 7 saylı Ordubad – Culfa, 21 saylı Nəsimi birinci, 58 saylı Hacıqabul – Kürdəmir və 86 saylı İsmayıllı seçki dairələri dairə seçki komissiyalarının tərkibində dəyişikliklər edilməsi haqqında qərarlar çıxarmışdır.
Sonra Mərkəzi Seçki Komissiyasına daxil olmuş müraciətlərə baxılmışdır. Müraciətlərdən 9-u araşdırılması və Mərkəzi Seçki Komissiyasına məlumat verilməsi üçün müvafiq dairə seçki komissiyalarına göndərilmişdir.
Komissiyanın katibi Natiq Məmmədov bəzi seçki dairələrinin hüdudlarının dəqiqləşdirilməsinə dair məsələ barədə məlumat vermişdir. Mərkəzi Seçki Komissiyası bəzi seçki dairələrinin hüdudlarının dəqiqləşdirilməsi haqqında qərar qəbul etmişdir.
İclasda ATƏT-in Demokratik Təsisatlar və İnsan Hüquqları Bürosunun ekspertləri, ABŞ səfirliyinin, Seçki Sistemləri üzrə Beynəlxalq Fondun təmsilçiləri və kütləvi informasiya vasitələrinin nümayəndələri iştirak etmişlər.