[29.10.05]
Oktyabrın 29-da Məzahir Pənahovun sədrliyi ilə
Mərkəzi Seçki Komissiyasının növbəti iclası
keçirilmişdir.
Əvvəlcə Komissiyanın katibi Vidadi Mahmudov
“6 noyabr 2005-ci ildə Azərbaycan Respublikasının
üçüncü çağırış Milli Məclisinə keçirilən seçkilərdə
seçicilərin barmaqlarının gözlə görünməyən mürəkkəblə
işarələnməsi qaydalarına dair Təlimat”ın layihəsi
barədə məlumat vermişdir. Həmin sənəd Komissiya
üzvlərinin təklifləri nəzərə alınmaqla təsdiq
edilmişdir.
Sonra bəzi seçki dairələri dairə seçki komissyalarının
tərkibində dəyişiklik edilməsi ilə bağlı qərarlar
qəbul olunmuşdur.
MSK-ya daxil olmuş müraciətlər müzakirə edilmişdir.
İclasda cari məsələlərə də baxılmışdır.
Mərkəzi Seçki Komissiyasının iclasında ATƏT-in
Demokratik Təsisatlar və İnsan Hüquqları Bürosunun
ekspertləri, ABŞ səfirliyinin, Seçki Sistemləri
üzrə Beynəlxalq Fondun təmsilçiləri, kütləvi
informasiya vasitələrinin nümayəndələri iştirak
etmişlər.
Mərkəzi Seçki Komissiyasının
Mətbuat xidməti
[26.10.05]
Oktyabrın 26-da Məzahir Pənahovun sədrliyi ilə
Mərkəzi Seçki Komissiyasının növbəti iclası
keçirilmişdir.
Əvvəlcə Komissiyanın sədri Azərbaycan Respublikası
Prezidentinin 25 oktryabr 2005-ci il tarixli
“Azərbaycan Respublikasının Milli Məclisinə
seçkilərin hazırlanması və keçirilməsi ilə bağlı
təxirəsalınmaz tədbirlər haqqında” sərəncamının
müstəsna əhəmiyyətindən danışaraq bu sənədin
şəffaf və demokratik seçki keçirilməsi ilə bağlı
görülən işlərin daha da intensivləşdirilməsi
istiqamətində atılan mühüm addım olduğunu bildirmişdir.
O, bununla bağlı Mərkəzi Seçki Komissiyasının
təxirəsalınmaz addımlar atmalı olduğunu vurğulayaq
Komissiyanın qarşışında duran vəzifələrdən danışmıdır.
Komissiyanın digər üzvləri də MSK sədrinin söylədiklərinə
şərik olduğuqlarını bildirmiş və Prezidentin
sözügedən Sərəncamı imzalamasını mütərəqqi addım
adlandırmışlar.
Sonra MSK katibi Natiq Məmmədov Milli Məclisə
seçkilərdə mürəkkəbdən
istifadə edilməsinə dair məsələ barədə məlumat
vermişdir. Mərkəzi Seçki Komissiyası Milli Məclisə
seçkilərdə mürəkkəbdən istifadə olunamsına dair
qərar qəbul etmişdir.
MSK katibi Vidadi Mahmudov məntəqə və dairəљ
seçki komissiyalarına təyin olunmuş məşvərətçi
səs hüququlu üzvlərin vəsiqə nümunəsinin təsdiq
edilməsi barədə məlumat vermişdir. Komissiya
həmin sənədin nümunəsini təsdiq etmişdir.
Sonra bəzi seçki dairələri dairə seçki komissyalarının
tərkibində dəyişiklik edilməsi ilə bağlı məsələyə
baxılmışdır. MSK 31 saylı Suraxanı ikinci, 33
saylı Xətai birinci, 68 saylı Cəlilabad kənd
və 78 saylı Lerik- Lənkəran seçki dairələri
dairə seçki komissiyalarının tərkibində dəyişiklik
edilməsinə dair qərarlar çıxarmışdır.
MSK-ya daxil olmuş müraciətlər müzakirəyə çıxarılmış
və müracitələrdən 2-si araşdırılmaq üçün Respublikanın
Baş Prokurorluğuna göndərilmişdir.
İclasda cari məsələlərə də baxılmışdır.
Mərkəzi Seçki Komissiyasının iclasında ATƏT-in
Demokratik Təsisatlar və İnsan Hüquqları Bürosunun
ekspertləri, ABŞ səfirliyinin, Seçki Sistemləri
üzrə Beynəlxalq Fondun təmsilçiləri, kütləvi
informasiya vasitələrinin nümayəndələri iştirak
etmişlər.
Mərkəzi Seçki Komissiyasının
Mətbuat xidməti
[19.10.05]
Azərbaycan Respublikasının Mərkəzi Seçki Komissiyası
oktyabrın 19-da “Hökumət evi”nin akt zalında
üçüncü çağırış Azərbaycan Respublikasının Milli
Məclisinə seçkilərə həsr olunmuş seminar-müşavirə
keçirmişdir. Müşavirədə Mərkəzi Seçki Komissiyasının
üzvləri, seçki dairələri dairə seçki komissiyalarının
sədrləri, MSK Katibliyinin məsul işçiləri iştirak
etmişlər.
Seminar - müşavirəni Komissiyanın sədri Məzahir
Pənahov açmışdır. O, qeyd etmişdir ki, 6 noyabr
2005-ci il Azərbaycan Respublikasının Milli
Məclisinə seçkilər böyük tarixi hadisədir və
biz fəxr etməliyik ki, bu hadisənin iştirakçılarıyıq.
Komissiyanın sədri seçkilərin çox əhəmiyyətli
və məsul bir mərhələsinin getdiyini, bu günə
kimi hər hansı ciddi bir problemin qeydə alınmadığını
və ümumilikdə vəziyyəti qənaətbəxş qiymətləndirdiyini
söyləmişdir. Sədr seçici vəsiqələrinin seçiclərə
çatdırılması işinin diqqətdə saxlandığını vurğulayaraq
qeyd etmişdir ki, aşağı seçki komissiayaları
bu istiqamətdəki fəaliyyətlərini daha da intensivləşdirməlidirlər.
Seçici vəsiqələri almayan bir nəfər də olsun
seçici qalmamalıdır.
Mərkəzi Seçki Komissiyasının sədri səsvermə
gününə 17 gün qaldığını xatırladaraq diqqətə
çatdırmışdır ki, səsvermə günü seçki mənətəqlərində
hər hansı bir qanun pozuntusuna yol verilməməli,
qanundankənar addım atılmamalıdır. Bütün müşahidəçilərə
və kütləvi informasiya vasitələrinin nümayəndələrinə
maneəsiz, sərbəst şəkildə müşahidə aparmalarına
və səslərin sayılması prosesini maneəsiz izləmələrinə
şərait yaradılmalıdır.
Prezident cənab İlham Əliyevin 11 may 2005-ci
il tarixli “Azərbaycan Respublikasında seçki
prakrikasının təkmilləşdirilməsinə dair” sərəncamında
əks olunmuş bütün müddəalar kimi bu müddəanın
tələbi də yüksək səviyyədə yerinə yetirlməlidir.
Müşahidəçilərin hesabatları seçki prosesinə
qiymət verilməsi işində bizə çox kömək edir.
Sədr komissiya üzvlərinin hər hansı bir namizədin
xeyrinə fəaliyyət göstərməsinin qanuna zidd
olduğunu bildirmiş və bu məsələnin də xüsusi
diqqətdə saxlanacağını bildirmişdir.
M. Pənahov Azərbaycanda demokratik seçkilərin
keçirilməsi üçün böyük potensialın və hər cür
şəraitin olduğunu nəzərə çatdırmış və qeyd etmişdir
ki, seçkilərin şəffaf, demokratik və ədalətli
keçirilməsi hamıdan çox bizə lazımdır. Dövlət
başçısının, ölkə rəhbərliyinın də mövqeyi bundan
ibarətdir.
Sonra söz məruzəçilərə verilmişdir. Əvvələcə
Mərkəzi Seçki Komissiyasının katibi Vidadi Mahmudov
“Seçki bülletenlərinin çap olunması, dairə və
məntəqə seçki komissiyalarına çatdırılması”
mövzusunda çıxış etmişdir.
Daha sonra MSK nəzdində “Seçkilər” İnformasiya
Mərkəzinin direktoru İqbal Babayev “Seçici siyahılarının
dəqiqləşdirilməsi və seçki gününə hazırlıq”,
Komissiyanın katibi Natiq Məmmədov “Səsvermənin
təşkili, səsvermə qaydası, səslərin hesablanması
və seçkilərin yekunlarının müəyyən edilməsi”,
Mərkəzi Seçki Komissiyası Katibliyi Beynəlxalq
əlaqələr şöbəsinin müdiri Rövzət Qasımov “Treninqlərin
keçirilməsinin yekunları” barədə məruzə ilə
çıxış etmişlər.
Tədbirin sonunda müşavirə iştirakçılarının
sualları cavablandırılmışdır.
Seminar -müşavirədə Seçki Sistemləri üzrə Beynəlxalq
Fondun təmsilçisi, ATƏT-in Demokratik Təsisatlar
və İnsan Hüquqları Bürosunun Seçki Müşahidə
Missiyasının təmsilçiləri də iştirak etmişlər.
Mərkəzi Seçki Komissiyasının
Mətbuat xidməti
[19.10.05]
Oktyabrın 19-da Məzahir Pənahovun sədrliyi
ilə Mərkəzi Seçki Komissiyasının növbəti iclası
keçirilmişdir.
Əvvəlcə Mərkəzi Seçki Komissiyasının 6 sentyabr,
7 sentyabr, 10 sentyabr, 14 sentyabr, 22 sentyabr
və 24 sentyabr 2005-ci il tarixli iclas protokolları
təsdiq edilmişdir.
Sonra Azərbaycan Respublikasının işğal altında
olan ərazilərində yaşayan erməni mənşəli Azərbaycan
vətəndaşlarına Müraciət qəbul edilmişdir.
İclasda bəzi seçki dairələri dairə seçki komissiyalarının
tərkibində dəyişikliklər edilməsinə dair məsələyə
də baxılmış və müvafiq qərarlar qəbul olunmuşdur.
MSK katibi Vidadi Mahmudov “Azərbaycan Respublikası
Televiziya və Radio Verişləri” Qapalı Səhmdar
Cəmiyyəti və digər teleradio şirkətləri tərəfindən
seçkiqabağı təşviqatın aparılmasına dair məsələ
barədə məlumat vermişdir. Komissiya bu məsələylə
bağlı bəyanat qəbul etmişdir.
Komissiyanın üzvü Arzuxan Əlizadə hərbi hissələrdə
seçki məntəqələrinin yaradılması və seçki komissiyalarının
təşkilinin vəziyyətinə dair məsələ haqqında
məlumat vermişdir. Mərkəzi Seçki Komissiyasının
sədri bu məsələylə bağlı bütün zəruri addımların
atıldığını Komissiya üzvlərinin diqqətinə çatdırmışdır.
Sonra MSK-ya daxil olmuş müraciətlər barədə
məlumatlar verilmiş və müvafiq qərarlar qəbul
edilmişdir.
Mərkəzi Seçki Komissiyasının iclasında ATƏT-in
Demokratik Təsisatlar və İnsan Hüquqları Bürosunun
ekspertləri, ABŞ səfirliyinin, ABŞ Seçki Sistemləri
üzrə Beynəlxalq Fondun təmsilçiləri, kütləvi
informasiya vasitələrinin nümayəndələri iştirak
etmişlər.
Mərkəzi Seçki Komissiyasının
Mətbuat xidməti
[11.10.05]
Oktyabrın 11-də Məzahir Pənahovun sədrliyi ilə
Mərkəzi Seçki Komissiyasının növbəti iclası
keçirilmişdir.
Əvvəlcə bəzi seçki dairələri dairə seçki komissiyalarının
tərkibində dəyişiklik edilməsi barədə məsələyə
baxılmşdır. MSK 31 saylı Suraxanı ikinci, 32
saylı Suraxanı üçüncü, 68 saylı Cəlilabad kənd
və 69 saylı Cəlilabad-Masallı-Biləsuvar seçki
dairələri dairə seçki komissiyalarının tərkibində
dəyişiklik edilməsini qərara almışdır.
Sonra Komissiyanın katibi Vidadi Mahmudov namizədi
irəli sürülən subyektlər barədə seçki bülletenlərində
göstərilməli olan bəzi məlumatlara dair məsələ
haqqında məlumat vermişdir. MSK həmin məlumatların
təsdiq edilməsi barədə qərar çıxarmışdır.
Mərkəzi Seçki Komissiyasının katibi Natiq Məmmədov
isə 2005-ci ilin 6 noyabrında keçiriləcək Milli
Məclisə seçkilərdə kütləvi informasiya vasitələri
nümayəndələrinin istifadə edəcəkləri lövhəciklərin
formaları barədə məlumat vermişdir. Komissiya
həmin lövhəcik formalarını təsdiq etmişdir.
MSK “Yeni Siyasət” siyasi partiyalar blokunun
embleminin təsdiq olunması haqqında da qərar
qəbul etmişdir.
İclasda cari məsələlərə də baxılmışdır.
Mərkəzi Seçki Komissiyasının iclasında ATƏT-in
Demokratik Təsisatlar və İnsan Hüquqları Bürosunun
ekspertləri, Seçki Sistemləri üzrə Beynəlxalq
Fondun təmsilçiləri, kütləvi informasiya vasitələrinin
nümayəndələri iştirak etmişlər.
Mərkəzi Seçki Komissiyasının
mətbuat xidməti
[08.10.05]
Oktyabrın 8-də Məzahir Pənahovun sədrliyi ilə
Mərkəzi Seçki Komissiyasının növbəti iclası
keçirilmişdir.
Əvvəlcə bəzi seçki dairələri dairə seçki komissiyalarının
tərkibində dəyişiklik edilməsi barədə məsələyə
baxılmşdır. MSK 15 saylı Yasamal birinci, 35
saylı Xətai üçüncü və 68 saylı Cəlilabad kənd
seçki dairələri dairə seçki komissiyalarının
tərkibində dəyişiklik edilməsini qərara almışdır.
Sonra Komissiyanın katibi Natiq Məmmədov siyasi
partiyalar bloklarının emblemlərindən seçki
bülletenləində istifadə edilməsinə dair məsələ
barədə məlumat vermişdir. Mərkəzi Seçki Komissiyası
qərara almışdır ki, seçkilərdə iştirak edən
siyasi partiya blokları tərəfindən öz emblemlərinin
seçki bülletenində göstərilməsi məqsədilə Mərkəzi
Seçki Komissiyası ilə razılaşdırmaq üçün müraciətləri
olduqda, seçki bülletenlərində onlar tərəfindən
irəli sürülmüş qeydə alınmış deputatlığa namizədlər
barəsindəki məlumatlarda göstərilməli olan namizədin
mənsub olduğu siyasi partiyanın embleminin əvəzinə
müvafiq siyasi partiyalar blokunun emblemi göstərilsin.
MSK katibi Vidadi Mahmudov 2005-ci il noyabrın
6-da Azərbaycan Respublikasının üçüncü çağırış
Milli Məclisinə seçkilərlə əlaqədar seçki bülletenlərinin
mətninin, formasının və miqdarının təsdiq və
çap edilməsi məsələsi barədə məlumat vermişdir.
Mərkəzi Seçki Komissiyası seçki bülletenlərinin
mətnini və formasını təsdiq etmişdir. Komissiya
həmçinin qərara almışdır ki, daimi seçici siyahılarındakı
seçicilərin sayı barədə 2005-ci ilin oktyabr
ayının 8-nə olan məlumata əsasən 125 seçki dairəsinin
hər biri üzrə seçicilərin sayından 3 faiz artıq
olmaqla cəmi 4.802.962 ədəd seçki bülletenləri
hazırlansın və Azərbaycan Respublikası Milli
Məclisi Aparatının Mətbəəsində çap edilsin.
MSK Milli Məclisə seçkilərdə “Azərbaycan naminə”
siyasi partiyalar blokunun embleminin təsdiq
edilməsi məsələsinə də baxmış və blokun emblemi
təsdiq olunması haqqında qərar qəbul etmişdir.
İclsada Mərkəzi Seçki Komissiyasına daxil olan
müraciətlər də müzakirə edilmiş və müvafiq qərarlar
çıxarılmışdır.
Komissiyanın üzvü Azər Tağıyev seçkiqabağı təşviqat
üçün müəyyən edilmiş qaydalara riayət olunmasına
nəzarət üçün MSK nəzdində yaradılmış Mətbuat
qrupunun tərkibində dəyişiklik edilməsinə dair
məsələ barədə məlumat vermişdir. “Space” Müstəqil
Televiziya və Radio Şirkəri ilə “Turan” İnformasiya
Agentliyi Qrupun tərkibindən çıxarılmış, İctimai
Televiziya və Radio Yayımları Şirkəti ilə Azəri-
Press İnformasiya Agentliyi isə daxil edilmişlər.
İclasda cari məsələlərə də baxılmışdır.
Mərkəzi Seçki Komissiyasının iclasında ATƏT-in
Demokratik Təsisatlar və İnsan Hüquqları Bürosunun
ekspertləri, Seçki Sistemləri üzrə Beynəlxalq
Fondun təmsilçiləri, kütləvi informasiya vasitələrinin
nümayəndələri iştirak etmişlər.
Mərkəzi Seçki Komissiyasının
mətbuat xidməti
[05.10.05]
Oktyabrın 5-də Məzahir Pənahovun sədrliyi ilə
Mərkəzi Seçki Komissiyasının növbəti iclası
keçirilmişdir.
Əvvəlcə Komissiyanın katibi Natiq Məmmədov Milli
Məclisə seçkilərdə iştirak etmək hüququna malik
olan Azərbaycan Respublikası vətəndaşlarının
və vətəndaşlığı olmayan şəxslərin səsvermə üçün
istifadə etdikləri şəxsiyyətlərini təsdiq edən
sənədlərin Siyahısı”n ın təsdiqinə dair məsələ
barədə məlumat vermişdir. MSK bu Siyahının təsdiq
olunması haqqında qərar çıxarmışdır.
Mərkəzi Seçki Komissiyasının digər katibi Vidadi
Mahmudov isə Azərbaycan Respublikası Milli Məclisinə
seçkilərin keçirildiyi yer və onun vaxtı barədə
seçiciləri məlumatlandırmaq məqsədi ilə bildirişlərin
seçicilərə paylanması(çatdırılması) haqqında
Qaydalar”ın layihəsi barədə məlumat vermişdir.
MSK bu sənədin də təsdiq olunmasını qərara almışdır.
Sonra “Dairə seçki komissiyasının Katibliyi
haqqında Əsasnamə” və “Səsvermə günü məntəqə
seçki komissiyalarının iş qaydası haqqında Təlimat”
təsdiq edilmişdir.
Komissiya bəzi seçki dairələri dairə seçki komissiyalarının
tərkibində dəyişikliklər edilməsi haqqında da
qərarlar çıxarmışdır.
Mərkəzi Seçki Komissiyasının daxil olan müraciətlər
də müzakirəyə çıxarılmış və müvafiq qərarlar
qəbul olunmuşdur.
İclasda cari məsələlərə də baxılmışdır.
Mərkəzi Seçki Komissiyasının iclasında ATƏT-in
Demokratik Təsisatlar və İnsan Hüquqları Bürosunun
ekspertləri, Seçki Sistemləri üzrə Beynəlxalq
Fondun təmsilçiləri, kütləvi informasiya vasitələrinin
nümayəndələri iştirak etmişlər.
Mərkəzi Seçki Komissiyasının
mətbuat xidməti
