. :MƏTBUAT BÜLLETENİ

[30.07.04]
Iyulun 30-da Məzahir Pənahovun sədrliyi ilə Markəzi Seçki Komissiyasının iclası keçirilmişdir.
Əvvəlcə Mərkəzi Seçki Komissiyasının 16 iyul və 23 iyul 2004-cü il tarixli iclaslarının protokolları təsdiq edilmişdir.
MSK-nın katibləri Natiq Məmmədov və Vidadi Mahmudov Azərbaycan Respublikasının Milli Məclisinə seçkilərdə bəzi sənəd nümunələrinin layihələri barədə məlumat vermişlər. Komissiya həmin sənəd nümunələrinin təsdiq edilməsi haqqında qərar çıxarmışdır.
Sonra Mərkəzi Seçki Komissiyası Milli Məclisə seçkilər zamanı səsvermə üçün qeydiyyatdançıxma (səsvermə vəsiqəsinin) vəsiqəsindən istifadə edilməsinə dair İzahın təsdiqi barədə qərar qəbul etmişdir.
Mərkəzi Seçki Komissiyası sədrinin müavini Svetlana Qasımova və MSK katibi Natiq Məmmədov bəzi seçki dairələri dairə seçki komissiyalarının tərkibində dəyişikliklər edilməsi barədə məlumat vermişlər. Komissiya Bəxtiyar İsmayıl oğlu Hümbətovun 40 saylı Kəpəz ikinci(Gəncə) seçki dairəsi dairə seçki komissiyasının, Şərəf Yusif oğlu Babazadənin isə 48 saylı Yevlax seçki dairəsi dairə seçki komissiyasının üzvü vəzifəsindən öz ərizələrinə əsasən azad olunması barədə qərar qəbul etmişdir. MSK-nın digər qərarı ilə Kamal Əliabbas oğlu Fərziyev 36 saylı Xətai dördüncü seçki dairəsi dairə seçki komissiyasının, Niftulla Abdulla oğlu Əzizov isə 66 saylı Biləsuvar seçki dairəsi dairə seçki komissiyasının üzvü təyin edilmişlər.
İclasda Mərkəzi Seçki Komissiyasına daxil olmuş müraciətə də baxılmış və müvafiq qərar çıxarılmışdır.
Mərkəzi Seçi Komissiyasının iclasında yerli və xarici kütləvi informasiya vasitələrinin nümayəndələri də iştirak etmişlər.

Mərkəzi Seçki Komissiyasının
mətbuat xidməti

[23.07.04]
İyulun 23-də Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.
İclasın gündəliyindəki ilk məsələ üzrə çıxış edən Mərkəzi Seçki Komissiyasının katibi Natiq Məmmədov 24 saylı Nizami birinci seçki dairəsi dairə seçki komissiyasının tərkibində dəyişiklik edilməsi barədə məlumat vermiş və MSK Amanov Pərviz Məcid oğlunun 24 saylı Nizami birinci seçki dairəsi dairə seçki komissiyasının üzvü vəzifəsindən vaxtından əvvəl azad olunması barədə qərar qəbul etmişdir. Komissiyanın digər qərarı ilə həmin vəzifəyə Rəhimov Yalçın Qəzənfər oğlu təyin edilmişdir.
Mərkəzi Seçki Komissiyasının üzvü Azər Tağıyev Azərbaycan Respublikasının Milli Məclisinə seçkilərlə əlaqədar olaraq bəzi sənəd nümunələrinin - Azərbaycan Respublikasının Milli Məclisinə seçkilərdə respublikanın bütün ərazisində müşahidə aparmaq niyyətində olan vətəndaşın ərizəsinin və Milli Məclisə seçkilərdə seçki dairəsinin ərazisində müşahidə aparmaq niyyətində olan vətəndaşın ərizəsinin, habelə deputatlığa namizədin qeydiyyat vəsiqəsinin formalarının təsdiq edilməsi barədə məlumat vermişdir.
Mərkəzi Seçki Komissiyası bu sənəd nümunələrinin təsdiq edilməsi haqqında qərar çıxarmışdır.
İclasda cari məsələlər də müzakirə olunmuşdur.
Mərkəzi Seçi Komissiyasının iclasında yerli və xarici kütləvi informasiya vasitələrinin nümayəndələri də iştirak etmişlər.

Mərkəzi Seçki Komissiyasının
mətbuat xidməti

[06.07.04]
İyulun 6-da Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.
Əvvəlcə Komissiyanın sədri təşkilati məsələ barədə məlumat verərək bildirmişdir ki, Mərkəzi Seçki Komissiyasının sabiq katibi İnqilab Nəsirov Azərbaycan Respublikası Apelyasiya Məhkəməsinin hakimi təyin edilməsi ilə əlaqədar olaraq Azərbaycan Respublikası Milli Məclisinin qərarı ilə Azərbaycan Respublikası Mərkəzi Seçki Komissiyasının üzvülüyündən azad edilmiş və onun yerinə Natiq Seyfulla oğlu Məmmədov MSK-nın üzvü təyin olunmuşdur. Sonra Mərkəzi Seçki Komissiyası İ.Nəsirovun MSK katibi vəzifəsindən azad olunması haqqında qərar qəbul etmişdir. Bu vəzifəyə Natiq Məmmədovun namizədliyi irəli sürülmüş və o, Mərkəzi Seçki Komissiyasının katibi seçilmişdir.
Mərkəzi Seçki Komissiyası sədrinin müavini Svetlana Qasımova 3 saylı Babək - Şərur seçki dairəsinin adının dəyişdirilərək, 3 saylı Babək - Kəngərli seçki dairəsi adlandırılması təklifi ilə çıxış etmişdir. Komissiya üzvləri həmin dairə seçki komissiyasının adında dəyişiklik edilməsi barədə qərar çıxarmışlar.
İclasın sonunda cari məsələlərə baxılmışdır.
Mərkəzi Seçki Komissiyasının iclasında Seçki Sistemləri üzrə Beynəlxalq Fondun, yerli və xarici kütləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
Mətbuat xidməti

[02.07.04]
İyulun 2-də Məzahir Pənahovun sədrliyi ilə Mərkəzi Seçki Komissiyasının iclası keçirilmişdir.
Mərkəzi Seçki Komissiyasının 25 may, 21 iyun və 23 iyun 2004-cü il tarixli iclaslarının protokolları təsdiq olunduqdan sonra MSK üzvü Azər Tağıyev Azərbaycan Respublikasının Milli Məclisinə seçkilərlə bağlı sənəd nümunələrinin layihələri barədə məlumat vermişdir. Komissiya həmin nümunələrin təsdiq olunması haqqında qərar qəbul etmişdir.
Mərkəzi Seçki Komissiyasının üzvü Ramiz İbrahimov Milli Məclisə seçkilərdə irəli sürülməsi dairə seçki komissiyasında təsdiq edilmiş deputatlığa namizədin müdafiəsi üçün seçici imzalarının toplanması və müvafiq dairə seçki komissiyasına təqdim edilməsi qaydaları haqqında Təlmiatın layihəsi barədə məlumat vermişdir. MSK bu sənədin təsdiq olunması barədə qərar çıxarmışdır.
MSK sədrinin müavini Svetlana Qasımova 24 saylı Nizami birinci, 29 saylı Səbail və 101 saylı Xanlar - Daşkəsən seçki dairələrində Azərbaycan Respublikasının Milli Məclisinə əlavə seçkilərə hazırlıqla bağlı keçiriləcək seminarın gündəliyi barədə məlumat vermişdir. Mərkəzi Seçki Komissiyası seminarın gündəliyini təsdiq etmişdir.
İclasın sonunda cari məsələlər müzakirə olunmuşdur.
Mərkəzi Seçki Komissiyasının iclasında Seçki Sistemləri üzrə Beynəlxalq Fondun təmsilçiləri, yerli və xarici küiləvi informasiya vasitələrinin nümayəndələri iştirak etmişlər.

Mərkəzi Seçki Komissiyasının
Mətbuat xidməti

Mərkəzi Seçki Komissiyası • Bakı - Azərbaycan
AZ 1000 Rəsul Rza 3
Tel/Faks: (994 12) 493 60 08 • Elektron poçtu: office@cec.gov.az
© Mərkəzi Seçki Komissiyası