[09.12.2004]
Dekabrın 9-da Məzahir Pənahovun
sədrliyi ilə Mərkəzi Seçki Komissiyasının iclası
keçirilmişdir.
Əvvəlcə MSK-nın katibi Natiq Məmmədov Demokratik
Proseslərin Beynəlxalq Araşdırma Mərkəzi (DRBAM)
ictimai birliyi tərəfindən təqdim edilən şəxslərin
respublikanın bütün ərazisində müşahidə aparmaları
məsələsi barədə məlumat vermişdir. Mərkəzi Seşki
Komissiyası həmin ictimai birlik tərəfindən
təqdim olunan şəxslərin respublikanın bütün
ərazisində müşahidə aparmalarına icazə verilməsi
haqqında qərar qəbul etmişdir.
Sonra Komissiya sədrinin müavini Svetlana Qasımova
və Mərkəzi Seçki Komissiyasının üzvü Yusif Bağirzadə
bəzi seçki dairələri dairə seçki komissiyalarının
tərkibində dəyişikliklər olunması təklifi ilə
çıxış etmişlər. Mərkəzi Seçki Komissiyası 73
saylı Lənkəran şəhər, 94 saylı Bərdə kənd, 108
saylı Ağstafa və 110 saylı Zaqatala seçki dairələri
dairə seçki komissiyalarının tərkibində dəyişiklik
edilməsi haqqında qərar çıxarmışdır.
Komissiya cari məsələlərə də baxmışdır.
Mərkəzi Seçki Komissiyasının iclasında yerli
kütləvi informasiya vasitələrinin nümayəndələri
iştirak etmişlər.
Mərkəzi Seçki Komissiyasının
mətbuat xidməti
[07.12.2004]
Dekabrın 7-də Məzahir Pənahovun sədrliyi ilə
Mərkəzi Seçki Komissiyasının iclası keçirilmişdir.
Əvvəlcə MSK-nın katibi Natiq Məmmədov 2004-cü
il dekabrın 17-nə təyin edilmiş bələdiyyə seçkilərində
bəzi bələdiyyələr üzrə seçkilərin təxirə salınması
və keçirilməməsinə dair Mərkəzi Seçki Komissiyasına
daxil olmuş müraciətlər haqqında məlumat vermişdir.
Mərkəzi Seçki Komissiyası 75 saylı Lənkəran-Masallı
seçki dairəsinin ərazisində olan, Lənkəran şəhərinin
Şağlaser bələdiyyəsi üzrə və 70 saylı Masallı
şəhər seçki dairəsinin ərazisində olan, Masallı
rayonunun İkinci Səmədxanlı bələdiyyəsi üzrə
Azərbaycan Respublikası Seçki Məcəlləsinin 217.2-ci
maddəsində nəzərdə tutulmuş hüquqi nəticələr
yarandığından namizədlərin irəli sürülməsi və
sonrakı hərəkətlərin edilməsi üçün həmin bələdiyyəyə
seçkilərin təxirə salınması haqqında qərar çıxarmışdır.
Bundan başqa, MSK qərara almışdır ki, Bakı şəhərinin
Binəqədi rayonundakı Xocasən bələdiyyəsinin
və onun üzvlərinin Azərbaycan Respublikasının
qanunvericiliyi ilə müəyyən olunmuş 5 il səlahiyyət
müddəti başa çatmadığından 17 dekabr 2004-cü
il tarixə təyin edilmiş bələdiyyə seçkiləri
həmin bələdiyyəyə şamil edilməsin.
Sonra Demokratik Proseslərin Beynəlxalq Araşdırma
Mərkəzi (DRBAM) ictimai birliyi tərəfindən təqdim
edilən şəxslərin respublikanın bütün ərazisində
müşahidə aparmaları məsələsi müzakirə olunmiş
və bu məsələnin müzakirəsi növbəti iclasa qədər
təxirə salınmışdır.
Sonra Komissiya sədrinin müavini Svetlana Qasımova
və Mərkəzi Seçki Komissiyasının üzvü Yusif Bağirzadə
bəzi seçki dairələri dairə seçki komissiyalarının
tərkibində dəyişikliklər olunması təklifi ilə
çıxış etmişlər. Mərkəzi Seçki Komissiyası 107
saylı Qazax seçki dairəsi dairə seçki komissiyasının
tərkibində dəyişiklik edilməsi haqqında qərar
çıxarmışdır.
Komissiya cari məsələlərə də baxmışdır.
Mərkəzi Seçki Komissiyasının iclasında yerli
kütləvi informasiya vasitələrinin nümayəndələri
iştirak etmişlər.
Mərkəzi Seçki Komissiyasının
mətbuat xidməti
[04.12.2004]
Dekabrın 4-də Məzahir Pənahovun sədrliyi ilə
Mərkəzi Seçki Komissiyasının iclası keçirilmişdir.
Əvvəlcə Yeni Azərbaycan Partiyasının təşəbbüsü
əsasında adları həmin partiyanın müşahidəçilər
siyahısına əlavə edilmiş şəxslərin 17 dekabr
2004-cü ildə keçiriləcək bələdiyyə seçkilərində
bütün ölkə ərazisində müşahidə aparmasına icazə
verilməsi haqqında məsələyə baxılmışdır. Mərkəzi
Seçki Komissiyası bələdiyyə seçkilərində həmin
şəxslərin Azərbaycan Respublikasının bütün ərazisində
müşahidə aparmasına icazə verilməsi barədə qərar
qəbul etmişdir.
Sonra Komissiya sədrinin müavini Svetlana Qasımova,
MSK katibi Natiq Məmmədov və Mərkəzi Seçki Komissiyasının
üzvü Yusif Bağirzadə bəzi seçki dairələri dairə
seçki komissiyalarının tərkibində dəyişikliklər
edilməsi təklifi ilə çıxış etmişlər. Mərkəzi
Seçki Komissiyası 29 saylı Səbail, 73 saylı
Lənkəran şəhər, 94 saylı Bərdə kənd, 107 saylı
Qazax və 108 saylı Ağstafa seçki dairələri dairə
seçki komissiyalarının tərkibində dəyişikliklər
edilməsi haqqında qərar çıxarmışdır.
İclasda bələdiyyə seçkiləri ilə bağlı MSK- ya
daxil olmuş müraciətlər də müzakirə edilmişdir.
Komissiya cari məsələlərə də baxmışdır.
Mərkəzi Seçki Komissiyasının iclasında yerli
kütləvi informasiya vasitələrinin nümayəndələri
iştirak etmişlər.
Mərkəzi Seçki Komissiyasının
mətbuat xidməti
