Vətəndaşlarin seçki hüququnu pozan hərəkətlərdən (hərəkətsizlikdən) və qərarlardan şikayətlərin araşdirilmasi məqsədilə ekspert qrupunun yaradilmasina dair


AZƏRBAYCAN RESPUBLIKASI
MƏRKƏZİ SEÇKİ (REFERENDUM) KOMİSSİYASININ

Q Ə R A R I

Azərbaycan Respublikası Seçki Məcəlləsinin 112-1.1-ci maddəsinə və “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 5.1-ci bəndinə uyğun olaraq vətəndaşların seçki hüququnu pozan hərəkətlərdən (hərəkətsizlikdən) və qərarlardan şikayətlərin araşdırılması məqsədilə, hər seçki (referendum) dövründə fəaliyyət göstərən, tərkibinə müvafiq seçki (referendum) komissiyasının hüquqşünas üzvləri, o cümlədən peşəkarlıq, dəqiq faktiki və hüquqi təhlillər aparmaq bacarığı, seçki sahəsində iş təcrübəsi, fəaliyyətinin qərəzsizliyi barədə ictimai inamın yüksək olması kimi meyarlara cavab verən seçki (referendum) komissiyalarının digər üzvləri və katiblik əməkdaşları daxil edilmiş Azərbaycan Respublikası Mərkəzi Seçki (Referendum) Komissiyasının nəzdində 9 nəfərdən, dairə seçki (referendum) komissiyalarının nəzdində isə 3 nəfərdən ibarət müvafiq ekspert qrupları yaradılır.   
Azərbaycan Respublikasının Mərkəzi Seçki (Referendum) Komissiyası yuxarıda qeyd edilənləri əsas götürərək, Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü, 112-1.1-ci maddələrinə və  “Azərbaycan Respublikasının Mərkəzi Seçki Komissiyasına və dairə seçki komissiyalarına seçki hüquqlarının pozulması ilə əlaqədar şikayət və müraciətlərin verilməsi və onlara baxılması qaydaları haqqında Təlimat”ın 5.1-ci bəndinə əsasən  q ə r a r a   a l ı r :

1. Vətəndaşların seçki hüququnu pozan hərəkətlərdən (hərəkətsizlikdən) və qərarlardan şikayətlərin araşdırılması məqsədilə  Azərbaycan Respublikası Mərkəzi Seçki (Referendum) Komissiyasının nəzdində 9 nəfərdən ibarət aşağıdakı tərkibdə 2009-cu il martın 18-nə təyin edilmiş ümumxalq səsverməsi (referendum) dövründə fəaliyyət göstərən ekspert qrupu yaradılsın:
1.1. Ramiz İbrahimov – Azərbaycan Respublikası Mərkəzi Seçki Komissiyasının üzvü
1.2. Qabil Orucov – Azərbaycan Respublikası Mərkəzi Seçki Komissiyasının üzvü
1.3. Validə Kazımova – Azərbaycan Respublikası Mərkəzi Seçki Komissiyasının üzvü
1.4. Tofiq Həsənov – Azərbaycan Respublikası Mərkəzi Seçki Komissiyasının üzvü 
1.5. Rövşən İsmayılov – Azərbaycan Respublikası Mərkəzi Seçki Komissiyasının üzvü
1.6. Nizami Nadirov – Azərbaycan Respublikası Mərkəzi Seçki Komissiyasının üzvü
1.7. İradə Hacıyeva – Azərbaycan Respublikası Mərkəzi Seçki Komissiyası Katibliyi Hüquq şöbəsinin müdiri
1.8. Rafiq Abbasov – Azərbaycan Respublikası Mərkəzi Seçki Komissiyası Katibliyi Hüquq şöbəsinin baş məsləhətçisi
1.9. Emin Quliyev – Azərbaycan Respublikası Mərkəzi Seçki Komissiyası Katibliyi Hüquq şöbəsinin böyük məsləhətçisi

2. Dairə seçki (referendum) komissiyalarının nəzdində qısa müddət ərzində müvafiq tələblərə cavab verən ekspert qruplarının yaradılması həmin seçki (referendum) komissiyalarına həvalə edilsin.

3. Qərar 24 saat müddətində dərc edilsin.

4. Qərar dərc edildiyi gündən qüvvəyə minir.

Sədr                                                                                                   Məzahir Pənahov

Müavin                                                                                               Svetlana Qasımova

Katib                                                                                                  Natiq Məmmədov

Üzvlər:                                                                                                

Ramiz İbrahimov

Validə Kazımova

Qabil Orucov

Tofiq Həsənov

İlham Məmmədov

Nizami Nadirov

Azər Tağıyev

Rövşən İsmayılov

Akif Qurbanov

Almas Qəhramanlı

Oktay Hümbətli