aaa

Bələdiyyə seçkilərinin keçirilməsi ilə əlaqədar sənəd formalarının təsdiq edilməsi barədə

AZƏRBAYCAN RESPUBLİKASI
MƏRKƏZİ SEÇKİ KOMİSSİYASININ

Q Ə R A R I

Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 25.3-cü, 28.2-ci və 28.4-cü maddələrinə uyğun olaraq   q ə r a r a    a l ı r:

Bələdiyyə seçkilərinin keçirilməsi ilə əlaqədar aşağıdakı sənəd formaları təsdiq edilsin:

1. Azərbaycan Respublikası ərazisindəki bələdiyyələrin yarısından çoxunda namizəd irəli sürmüş siyasi partiya, siyasi partiyalar bloku tərəfindən Mərkəzi Seçki Komissiyasına məşvərətçi səs hüquqlu üzvün təyin edilməsi barədə təqdimat;
2. Azərbaycan Respublikası ərazisindəki bələdiyyələrin yarısından çoxunda namizəd irəli sürmüş siyasi partiya, siyasi partiyalar bloku tərəfindən Mərkəzi Seçki Komissiyasına təyin edilmiş məşvərətçi səs hüquqlu üzvünün lövhəciyinin nümunəsi;
3. seçki dairəsinin ərazisindəki bələdiyyələrin yarısından çoxunda namizədlər irəli sürmüş siyasi partiya, siyasi partiyalar bloku tərəfindən dairə seçki komissiyasının tərkibinə məşvərətçi səs hüquqlu üzvün təyin edilməsi barədə təqdimat;
4. seçki dairəsinin ərazisindəki bələdiyyələrin yarısından çoxunda namizədlər irəli sürmüş siyasi partiya, siyasi partiyalar bloku tərəfindən dairə seçki komissiyasının tərkibinə təyin edilmiş məşvərətçi səs hüquqlu üzvünün lövhəciyinin nümunəsi;
5. Mərkəzi Seçki Komissiyası tərəfindən siyasi partiya, siyasi partiyalar blokunun səlahiyyətli nümayəndəsinə verilmiş lövhəciyin nümunəsi;
6. Mərkəzi Seçki Komissiyası tərəfindən siyasi partiya, siyasi partiyalar blokunun maliyyə məsələləri üzrə səlahiyyətli nümayəndəsinə verilmiş lövhəciyin nümunəsi;
7. dairə seçki komissiyası tərəfindən siyasi partiya, siyasi partiyalar blokunun səlahiyyətli nümayəndəsinə verilmiş lövhəciyin nümunəsi;
8. dairə seçki komissiyası tərəfindən siyasi partiya, siyasi partiyalar blokunun maliyyə məsələləri üzrə səlahiyyətli nümayəndəsinə verilmiş lövhəciyin nümunəsi.

Sədr                                                                       Məzahir Pənahov

Müavin                                                                    Svetlana Qasımova

Katib                                                                       Natiq Məmmədov

Üzvlər:        

Fuad Cavadov

Ramiz İbrahimov

Validə Kazımova

Qabil Orucov

Tofiq Həsənov

İlham Məmmədov

Nizami Nadirov

Azər Tağıyev

Tamam Cəfərova

Rövşən İsmayılov