Azərbaycan Respublikası
Mərkəzi Seçki Komissiyasının
18/72 saylı Qərarı ilə təsdiq edilmişdir

Azərbaycan Respublikasında daimi yaşayan,
vətəndaşlığı olmayan şəxslərin Azərbaycan
Respublikasının Milli Məclisinə seçkilərdə
iştirakına dair

TƏLIMAT

1. Bu Təlimat Azərbaycan Respublikası Konstitusiyasının 56-cı və Azərbaycan Respublikası Seçki Məcələsinin (bundan sonra – Seçki Məcəlləsinin) 12 və 14-cü maddələrinin tələbləri nəzərə alınmaqla Azərbaycan Respublikası ərazisində daimi olaraq yaşayan vətəndaşlığı olmayan şəxslərin Azərbaycan Respublikası Milli Məcləsinə (bundan sonra - Milli Məclisə) seçkilərdə iştirakına dair qaydaları müəyyən edir.
2. Seçki Məcəlləsinin 12.1 və 12.2-ci maddələrinə əsasən Azərbaycan Respublikası ərazisində daimi yaşayan vətəndaşlığı olmayan səxslər aşağıdakı hallarda seçkilərdə iştirak etmək hüququna malikdırlər:
2.1. Milli Məclisə seçkilərin keçirilməsi günü (həmin gün də daxil olmaqla) 18 yaşına çatdıqda;
2.2. Milli Məclisə seçkilərin təyin edilməsinədək (seçkilərin təyin edilməsi ilə də daxil olmaqla) 5 ildən az olmayaraq Azərbaycan Respublikası ərazisində yaşadıqda.
3. Bu Təlimatın 2-ci bəndində göstərilən tələblərdən ən azı birinə cavab verməyən şəxslər seçkilərdə iştirakə buraxılmırlar.
4. Bu Təlimatın 2-ci bəndində göstərilən şəxslər Milli Məclisə seçkilər zamanı səsvermədə iştirak etmək halı istisna olmaqla digər seçki hərəkətlərinin həyata keçirilməsində iştirak edə bilməzlər.
5.Vətəndaşlığı olmayan şəxslərin Milli Məclisə seçkilərdə iştiraki zamanı onların statusunu müəyyənləşdirən əsas sənəd 30 dekabr 1997-ci il tarixli AR Qanunu ilə təsdiq edilmiş “Azərbaycan Respublikasında daimi yaşayan, vətəndaşlığı olmayan şəxsləri və əcnəbilərin xüsusi sənədləri haqqında” Əsasnaməyə müvafiq olaraq Azərbaycan Respublikası ərazisində istifadə edilməsi üçün 16 yaşina çatdıqdan sonra verilən şəxsiyyət vəsiqəsidir.
Bundan əlavə hamin şəxsin Azərbaycan Respublikasında 5 ildən az olmayaraq yaşaması müvafiq sənədlərlə təsdiq olunmalıdır.
6. Bu Təlimatın 2-ci bəndində göstərilən vətəndaşlığı olmayan şəxslərin müvafiq seçki məntəqəsi üzrə seçici siyahısına daxil edilməsi Seçki Məcəlləsinin 47.2-ci maddəsinə uyğun olaraq həmin şəxslərin müvafiq seçki məntəqəsinin ərazisində seçkilərin elan olunması günündən əvvəlki 12 ayın azı 6 ayı ərzində yaşaması faktına əsasən həyata keçirilir. Bu fakt vətəndaşlığı olnayan şəxslərin qeydiyyatını həyata keçirən orqan tərəfindən müəyyən edilir.
7. Azərbaycan Respublikasında 5 ildən az olmayaraq daimi yaşayan, 18 yaşına çatmış vətəndaşlığı olmayan şəxlərin siyahısı Azərbaycan Respublikası Daxili İşlər Nazirliyi tərəfindən Seçki Məcəlləsinin Azərbaycan Respublikasi vətəndaşları üçün nəzərdə tutulmuş qayda və müddətdə müvafiq dairə seçki komissiyasına təqdim edilir.
Dairə seçki komissiyası həmin siyahıları səsvermə gününə azı 35 gün qalmış vətəndaşlığı olmayan şəxləri yaşayış yeri üzrə məntəqə seçki komissiyallarına çatdırılmasını təmin edir.
Siyahılar üzrə həmin şəxslərin adlarının dəqqiqləşdirilməsi və müvafiq düzəlişlərin edilməsi məntəqə seçki komissiyası tərəfindən də səsvermə gününə azı 35 gün qalmişadək Seçki Məcəlləsində müəyyən edilmiş qaydada həyata keçirilə bilər.
8. Azərbaycan Respublikası ərazisində 5 ildən az olmayaraq daimi yaşayan 18 yaşına çatmış vətəndaşlığı olmayan şəxslərin məntəqə seçki komissiyaları tərəfindən Seçki Məcəlləsinin 46-cı maddəsində göstərilən qaydada seçicilərin daimi siyahısına daxil edilir və həmin şəxslərə seçici vəsiqəsi verilir. Seçicilərin daimi siyahısına daxil edilərkən vətəndaşlığı olmayan şəxslərin adlarınin qarşısında seçki komissiyasının katibi tərəfindən xüsusi qeyd aparılır.
Azərbaycan Respublikası ərazisində 5 ildən az olmayaraq daimi yaşayan 18 yaşına çatmış vətəndaşlığı olmayan şəxslərin seçici siyahısına daxil edilməsi, seçici siyahısından çıxarılması, onlara qeydiyyatdançıxma vəsiqələrini verilməsi, seçici siyahıları ilə tanış edilməsi seçki hüququ olan Azərbaycan Respublikası vətəndaşları üçün Seçki Məcəlləsindən Azərbaycan Respublikası Mərkəzi Seçki Komissiyasının yuxarıda göstərilən məsələlərə həsr edilən Qaydaları, Əsasnamələri və Təlimatlarında müəyyən edilir.
9. Azərbaycan Respublikası ərazisində 5 ildən az olmayan müddətdə daimi yaşayan, 18 yaşına çatmış vətədaşlığı olmayan şəxslər Milli Məclisin seçkilərdə səsvermə hüququnu həyata keçirən zaman Azərbaycan Respublikası vətəndaşları ilə eyni hüquq və vəzifələrə malikdirlər.
10. Vətəndaşlığı olmayan şəxslərin Seçki Məcəlləsində və bu Təlimatda müəyyən edilən qaydalara riayət etməməsi Seçki Məcəlləsinin 15.5-ci maddəsinə əsasən həmin şəxslərin məsuliyyətə cəlb edilməsinə səbəb olur.