Azərbaycan Respublikasının 2005-ci il noyabrın 6-na təyin edilmiş üçüncü çağırış Milli Məclisinə seçkilərdə səsvermə günü seçicilərin barmaqlarının işarələnməsi üçün mürəkkəbdən istifadə edilməsi barədə

AZƏRBAYCAN RESPUBLIKASI
MƏRKƏZI SEÇKI KOMISSIYASININ

Q Ə R A R I

Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 25.3-cü və 28.4-cü, Azərbaycan Respublikası Seçki Məcəlləsinin təsdiq edilməsi və qüvvəyə minməsi haqqında Azərbaycan Respublikasının 27 may 2003-cü il tarixli Qanununun 3.5-ci və 3.6-cı maddələrinə uyğun olaraq q ə r a r a a l ı r :

Azərbaycan Respublikası Prezidentinin “Azərbaycan Respublikasının Milli Məclisinə seçkilərin hazırlanması və keçirilməsi ilə bağlı təxirəsalınmaz tədbirlər haqqında” 25 oktyabr tarixli Sərəncamının 2.1-ci bəndində verilmiş tövsiyəyə əsasən, Azərbaycan Respublikasının 2005-ci il noyabrın 6-na təyin edilmiş üçüncü çağırış Milli Məclisinə seçkilərdə səsvermə günü seçicilərin barmaqlarının işarələnməsi üçün mürəkkəbdən istifadə edilsin.

Sədr Məzahir Pənahov

Katib Natiq Məmmədov

Katib Vidadi Mahmudov