Seçki bülletenində, Azərbaycan Respublikası Seçki Məcəlləsinin 54-cü maddəsinə uyğun olaraq qeydə alınmış bitərəf və partiya mənsubiyyəti göstərilməyən namizədlərin barəsində olan məlumatlarda, həmin namizədi irəli sürmüş siyasi partiya və ya siyasi partiya blokunun embleminin də göstərilməsi barədə

AZƏRBAYCAN RESPUBLIKASI
MƏRKƏZI SEÇKI KOMISSIYASININ

Q Ə R A R I

Azərbaycan Respublikasının Mərkəzi Seçki Komissiyası, Azərbaycan Respublikası Seçki Məcəlləsinin 19.4-cü, 19.14-cü, 28.4-cü, 51.3-cü, 166.3-cü, Azərbaycan Respublikası Seçki Məcəlləsinin təsdiq edilməsi və qüvvəyə minməsi haqqında Azərbaycan Respublikasının 27 may 2003-cü il tarixli Qanununun 3.5-ci və 3.6-cı maddələrinə uyğun olaraq q ə r a r a a l ı r:

Seçki bülletenində, Azərbaycan Respublikası Seçki Məcəlləsinin 54-cü maddəsinə uyğun olaraq qeydə alınmış bitərəf və partiya mənsubiyyəti göstərilməyən namizədlərin barəsində olan məlumatlarda, həmin namizədi irəli sürmüş siyasi partiya və ya siyasi partiya blokunun emblemi də göstərilsin.

Sədr Məzahir Pənahov

Katib Natiq Məmmədov

Katib Vidadi Mahmudov