Seçkilərdə iştirak edən siyasi partiya blokları tərəfindən Azərbaycan Respublikası Seçki Məcəlləsinin 51.3-cü maddəsinin tələbinə əsasən öz emblemlərinin seçki bülletenində göstərilməsi məqsədilə Mərkəzi Seçki Komissiyası ilə razılaşdırmaq üçün müraciətləri olduqda, seçki bülletenlərində onlar tərəfindən irəli sürülmüş qeydə alınmış deputatlığa namizədlər barəsindəki məlumatlarda göstərilməli olan namizədin mənsub olduğu siyasi partiyanın embleminin əvəzinə müvafiq siyasi partiyalar blokunun embleminin göstərilməsi barədə

AZƏRBAYCAN RESPUBLIKASI
MƏRKƏZI SEÇKI KOMISSIYASININ

Q Ə R A R I

Azərbaycan Respublikasının Mərkəzi Seçki Komissiyası, Azərbaycan Respublikası Seçki Məcəlləsinin 19.4-cü, 19.14-cü, 28.4-cü, 51.3-cü, Azərbaycan Respublikası Seçki Məcəlləsinin təsdiq edilməsi və qüvvəyə minməsi haqqında Azərbaycan Respublikasının 27 may 2003-cü il tarixli Qanununun 3.5-ci və 3.6-cı maddələrinə uyğun olaraq q ə r a r a a l ı r:

Seçkilərdə iştirak edən siyasi partiya blokları tərəfindən Azərbaycan Respublikası Seçki Məcəlləsinin 51.3-cü maddəsinin tələbinə əsasən öz emblemlərinin seçki bülletenində göstərilməsi məqsədilə Mərkəzi Seçki Komissiyası ilə razılaşdırmaq üçün müraciətləri olduqda, seçki bülletenlərində onlar tərəfindən irəli sürülmüş qeydə alınmış deputatlığa namizədlər barəsindəki məlumatlarda göstərilməli olan namizədin mənsub olduğu siyasi partiyanın embleminin əvəzinə müvafiq siyasi partiyalar blokunun emblemi göstərilsin.

Sədr Məzahir Pənahov

Katib Natiq Məmmədov

Katib Vidadi Mahmudov