“Azərbaycançı Qüvvələr” siyasi partiyalar blokunun qeydə alınması barədə

AZƏRBAYCAN RESPUBLIKASI
MƏRKƏZI SEÇKI KOMISSIYASININ

Q Ə R A R I

Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 50.3-cü, 19.4-cü və 28.4-cü, Azərbaycan Respublikası Seçki Məcəlləsinin təsdiq edilməsi və qüvvəyə minməsi haqqında Azərbaycan Respublikasının 27 may 2003-cü il tarixli Qanununun 3.5-ci və 3.6-cı maddələrinə uyğun olaraq q ə r a r a a l ı r :

1. 2005-ci il noyabrın 6-da keçiriləcək Milli Məclisə seçkilərlə əlaqədar Vəhdət və Birlik Partiyaları tərəfindən yaradılmış “Azərbaycançı Qüvvələr” siyasi partiyalar bloku qeydə alınsın.
2. Həmin siyasi partiyalar blokunun emblemi Azərbaycan Respublikası Seçki Məcəlləsinin 51.3-cü maddəsinin tələblərinə cavab vermədiyindən təsdiq edilməsin.
3. Həmin siyasi partiyalar blokunun embleminin Azərbaycan Respublikası Seçki Məcəlləsinin 51.3-cü maddəsinin tələblərinə uyğunlaşdırılaraq yenidən Mərkəzi Seçki Komissiyasının təsdiqinə təqdim edilməsi tövsiyə edilsin.

Sədr Məzahir Pənahov

Katib Natiq Məmmədov

Katib Vidadi Mahmudov