Göstərilən seçki dairələrinin hüdudlarında qismən dəyişikliklər edildiyinə görə dairə seçki komissiyalarının tərkibi dəyişdirilmədən, müvafiq olaraq yeni yaradılmış seçki dairələrinin dairə seçki komissiyası hesab edilməklə seçki dairələrinin adları və seçicilərin sayının müəyyən edilməsi barədə

AZƏRBAYCAN RESPUBLİKASI
MƏRKƏZİ SEÇKİ KOMİSSİYASININ

Q Ə R A R I

Azərbaycan Respublikası Mərkəzi Seçki Komissiyası Mərkəzi Seçki Komissiyası nəzdindəki mütəxəssislərdən ibarət seçki dairələrinin sərhədlərinin müəyyən edilməsi üzrə komissiyasının təkliflərini nəzərə alaraq Azərbaycan Respublikası Seçki Məcəlləsinin 29-cu, 19.4-cü və 28.4-cü, Azərbaycan Respublikası Seçki Məcəlləsinin təsdiq edilməsi və qüvvəyə minməsi haqqında Azərbaycan Respublikasının 27 may 2003-cü il tarixli Qanununun 3.5-ci və 3.6-cı maddələrinə uyğun olaraq q ə r a r a a l ı r:

Aşağıda göstərilən seçki dairələrinin hüdudlarında qismən dəyişikliklər edildiyinə görə dairə seçki komissiyalarının tərkibi dəyişdirilmədən, müvafiq olaraq yeni yaradılmış seçki dairələrinin dairə seçki komissiyası hesab edilməklə seçki dairələrinin adları və seçicilərin sayı aşağıdakı kimi müəyyən edilsin:

1. 63 saylı Sabirabad seçki dairəsi müvafiq olaraq 63 saylı Sabirabad birinci seçki dairəsi (seçicilərin sayı – təxminən 37000);
2. 64 saylı Sabirabad – Saatlı seçki dairəsi müvafiq olaraq 64 saylı Sabirabad ikinci seçki dairəsi (seçicilərin sayı – təxminən 36000);
3. 65 saylı Sabirabad – Kürdəmir seçki dairəsi müvafiq olaraq 65 saylı Saatlı – Sabirabad – Kürdəmir seçki dairəsi (seçicilərin sayı – təxminən 14000, 6000, 12000) adlandırılsın.

Sədr Məzahir Pənahov

Katib Natiq Məmmədov

Katib Vidadi Mahmudov