Azərbaycan Respublikası ərazisinin bir hissəsinin Ermənistan Respublikasının silahlı qüvvələri tərəfindən işğal olunması nəticəsində öz yaşayış yerlərini tərk etməyə məcbur olmuş vətəndaşlar 17 dekabr 2004-cü il tarixə təyin edilmiş Azərbaycan Respublikasının bələdiyyə seçkilərində aktiv seçki hüquqlarını ərazilərində müvəqqəti məskunlaşdıqları bələdiyyələr üzrə həyata keçirə bilmələri haqqında

AZƏRBAYCAN RESPUBLIKASI
MƏRKƏZI SEÇKI KOMISSIYASININ

Q Ə R A R I

Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 9.2-ci, 28.4-cü, Azərbaycan Respublikası Seçki Məcəlləsinin təsdiq edilməsi və qüvvəyə minməsi haqqında Azərbaycan Respublikasının 27 may 2003-cü il tarixli Qanununun 3.5-ci və 3.6-cı maddələrinə uyğun olaraq q ə r a r a a l ı r:

Azərbaycan Respublikası ərazisinin bir hissəsinin Ermənistan Respublikasının silahlı qüvvələri tərəfindən işğal olunması nəticəsində öz yaşayış yerlərini tərk etməyə məcbur olmuş vətəndaşlar 17 dekabr 2004-cü il tarixə təyin edilmiş Azərbaycan Respublikasının bələdiyyə seçkilərində aktiv seçki hüquqlarını ərazilərində müvəqqəti məskunlaşdıqları bələdiyyələr üzrə həyata keçirə bilərlər.

Sədr Məzahir Pənahov

Katib Natiq Məmmədov

Katib Vidadi Mahmudov