Azərbaycan Respublikası
Mərkəzi Seçki Komissiyasının 30 iyul 2004-cü
il tarixli 11/69
saylı Qərarı ilə təsdiq edilmişdir.
Azərbaycan Respublikasının
Milli Məclisinə seçkilər zamanı səsvermə
üçün qeydiyyatdan çıxma vəsiqəsindən (səsvermə
vəsiqəsi) istifadə edilməsinə dair
İ z a h
Azərbaycan Respublikası
Seçki Məcəlləsinin 101-ci maddəsində və Azərbaycan
Respublikası Mərkəzi Seçki Komissiyasının 12
iyul 2003-cü il tarixli 11/70 saylı Qərarı ilə
təsdiq edilmiş “Səsvermə üçün qeydiyyatdan çıxma
vəsiqəsinin verilməsi qaydası haqqında” Təlimatında,
aktiv seçki hüququna malik olan seçicinin, həmin
Məcəllənin 29.9-cu maddəsinə uyğun olaraq vahid
seçki dairəsi hesab edilən ərazidə səsvermə
vəsiqəsindən (qeydiyyatdan çıxma vəsiqəsi) istifadə
hüququ və ondan istifadə qaydaları müəyyən olunmuşdur.
Azərbaycan Respublikası Konstitusiyasının 82-ci
maddəsinə və Azərbaycan Respublikasının Seçki
Məcəlləsinin 143-cü maddəsinə uyğun olaraq,
Azərbaycan Respublikası Milli Məclisinə seçkilər
zamanı ğöstərilən ərazi vahid seçki dairəsi
deyil, bir dairədən bir deputat seçilməklə,
125 deputat seçilməsi üçün həmin sayda birmandatlı
seçki dairələri hesab edilir.
Ğöründüyü kimi Azərbaycan Respublikası Milli
Məclisinə seçkilər zamanı aktiv seçki hüququna
malik olan seçici yalnız yaşadığı dairənin ərazisində
və qeydə alınmış bir namizədin seçilməsi məqsədilə
öz iradəsini ifadə etmək imkanına malikdir.
Qeyd edilənlərə və Azərbaycan Respublikası Seçki
Məcəlləsinin 25.1-ci və 25.3-cü maddələrinə
əsasən Azərbaycan Respublikası Mərkəzi Seçki
Komissiyası seçicilərin seçki hüququnun təmin
edilməsi dairə və məntəqə seçki komissiyalarının
fəaliyyətinin tənzimlənməsi məqsədilə izah edir:
Azərbaycan Respublikası Seçki Məcəlləsinin 101-ci
maddəsi və Azərbaycan Respublikası Mərkəzi Seçki
Komissiyasının 12 iyul 2003-cü il tarixli 11/70
saylı Qərarı ilə təsdiq edilmiş “Səsvermə üçün
qeydiyyatdan çıxma vəsiqəsinin verilməsi qaydası
haqqında” Təlimatı ilə müəyyən olunan səsvermə
vəsiqəsindən (qeydiyyatdan çıxma vəsiqəsi) istifadə
qaydalarının tətbiqi Azərbaycan Respublikası
Milli Məclisinə seçkilər zamanı yalnız seçicinin
seçici siyahısına daxil olduğu seçki dairəsinin
ərazisi hüdudlarında mümkündür.
Qeyd:
Seçicinin və ya onun nümayəndəsinin səsvermə
üçün qeydiyyatdan çıxma vəsiqəsini dairə və
ya məntəqə seçki komissiyalarından almaq üçün
təqdim etməli olduğu ərizə formalarının 1“A”,
1”B”, 1”C” və 1”Ç” saylı nümunələri bu İzaha
əlavə edilir.
