AzərbaycanRespublikası
Mərkəzi Seçki Komissiyasının
12 avqust 2003-cü il tarixli
22/150 saylı qərarı ilə təsdiq edilmişdir.

AZƏRBAYCAN RESPUBLIKASININ PREZIDENTI SEÇKILƏRINDƏ VƏKIL TƏYIN EDILMIŞ ŞƏXSLƏRIN STATUSU HAQQINDA T Ə L I M A T

1. Bu status Azərbaycan Respublikasının Seçki Məcəlləsinə əsasən müəyyənləşdirilir.
1.1. Qeydə alınmış namizəd, namizədi qeydə alınmış siyasi partiya, siyasi partiyalar bloku 50-yə qədər vəkil edilmiş şəxs təyin edə bilərlər;
1.2. Həmin şəxslər Mərkəzi Seçki Komissiyası tərəfindən qeydə alınır və onlara xüsusi vəsiqə verilir;
1.3. Vəkil edilmiş şəxslərin təyin edilməsi barədə namizədin yazılı ərizəsi və ya siyasi partiyanın, siyasi partiyalar blokunun təqdimatı, habelə vətəndaşların vəkil edilmiş şəxs olmaq barədə razılıq ərizələri daxil olduğu gündən başlayaraq 3 gün müddətində həmin şəxslər qeydə almırlar;
1.4. Ərizədə və ya təqdimatda vəkil edilmiş hər bir şəxsin soyadı, adı, atasının adı, doğum tarixi, əsas iş və ya xidmət yeri, tutduğu vəzifə (bu olmadıqda - fəaliyyət növü), yaşayış yerinin ünvanı, şəxsiyyət vəsiqəsinin və ya onu əvəz edən sənədin seriyası, nömrəsi və verilmə tarixi göstərilir.
2. Vəkil edilmiş şəxslərin aşağıdakı hüquqları vardır:
qeydə alınmış namizədin seçkiqabağı təşviqat kampaniyasmda iştirak etmək;
prezidentliyə namizədin seçicilərlə görüşlərinin keçirilməsi üçün yer ayrılması barədə müvafiq icra hakimiyyəti orqanlarma ərizə ilə müraciət etmək; seçkiqabağı təşviqat materiallarmm yerləşdirilməsi üçün ayrılmış yerlərin siyahısını dairə seçki komissiyasından almaq; hərbi hissələrin yerləşdiyi ərazinin hüdudlarında hərbi qulluqda olan seçicilərlə görüşləri, hərbi hissə komandirinin dairə seçki komissiyası ilə birlikdə belə görüşün keçirilməsini təyin etdikləri günə azı 3 gün qalanadək, müvafiq seçki dairəsi üzrə qeydə alınmış bütün namizədlərin, namizədləri qeydə alınmış bütün siyasi partiyaların, siyasi partiya bloklarının mütləq dəvət edilməsi və ya onlara xəbər verilməsi şərtilə təşkil etmək; seçki bülletenlərinin, protokolların və zərflərin hazırlanması prosesində iştirak etmək üçün Mərkəzi Seçki Komissiyasına müraciət etmək; müşahidəçi qismində seçkilərin gedişini izləmək; dairə və məntəqə seçki komissiyalarının iclaslarında, habelə səslərin hesablanmasında, dairə və məntəqə seçki komissiyalarında seçki bülletenləri, seçici siyahıları, səsvermə üçün qeydiyyatdançıxma vəsiqələri ilə, səsvermənin nəticələri və yekunları haqqında protokollarla müvafiq işin aparılmasını müşahidə etmək və onlarla tanış olmaq, seçki komissiyalarının qərarlarının və digər seçki sənədlərinin (seçici siyahıları, səsvermə üçün qeydiyyatdan çıxma vəsiqələri, seçki bülletenləri və imza vərəqələri istisna olmaqla) surətini almaq, seçki komissiyalarında digər seçki hərəkətlərinin həyata keçirilməsini müşahidə etmək; səsvermə günü istədiyi vaxt müvafiq seçki məntəqəsinin səsvermə otağında olmaq; seçicilərə seçki bülletenlərinin qoyulması üçün zərflərin və seçki bülletenlərinin verilməsini müşahidə etmək; seçicilərin sayını hesablamaq, seçki bülletenlərinin, ləğv edilmiş seçki bülletenlərinin sayılmasmı müşahidə etmək; səsvermənin təşkili ilə əlaqədar təklif və iradlarla məntəqə seçki komissiyasının sədrinə, o olmadıqda isə onu əvəz edən şəxsə müraciət etmək; Mərkəzi Seçki Komissiyasının qərarından, onun vəzifəli şəxslərinin hərəkət və ya hərəkətsizliyindən məhkəməyə müraciət etmək; onu təyin edən namizədi, habelə siyasi partiyanı, siyasi partiyalar blokunu xəbərdar etməklə, ona verilmiş vəsiqəni istənilən vaxt öz təşəbbüsü ilə Mərkəzi Seçki Komissiyasına qaytararaq, səlahiyyətlərindən imtina etmək; qanunla qadağan edilməyən digər hərəkətlər.
3. Vəkil edilmiş şəxslər tərəfindən aşağıdakı hərəkətlərin edilməsi qadağandır: - dövlət və bələdiyyə orqanlarında müəyyən vəzifə tutan vəkil edilmiş şəxslərin seçkilərin gedişi zamanı öz vəzifə və xidməti mövqelərindən istifadə etməsi; - hərbi hissələrin yerləşdiyi ərazilərdə, hərbi təşkilatlarda və ya idarələrdə təşviqat aparmaq; - səsvermə günü seçki komissiyası üzvlərinin öz səlahiyyətlərini həyata keçirməsinə mane olmaq, seçiciləri bu və ya digər namizədə səs verməyə məcbur etmək; - seçiciyə necə səs verəcəyi və ya necə səs verdiyi barədə suallar vermək; - seçicinin xahişi ilə onun əvəzinə seçki bülleteni alınması haqqında imza etmək; seçicinin xahişi ilə seçki bülletenini doldurmaq; digər namizədin, siyasi partiyanm dəstəklənməsinə yönəldilən və dəstəklənməsi kimi qiymətləndirilə bilən hərəkətlər və çağırışlar etmək; müvafiq seçki komissiyasının qərarlarının qəbul olunmasına müdaxilə etmək; vəzifəli şəxs, teleradio verilişləri və kütləvi informasiya vasitələri redaksiyalarında işləyən jurnalist və yaradıcı işçidirsə, seçkilərin gedişinin kütləvi informasiya vasitələri ilə işıqlandırılmasında iştirak etmək; qanunla qadağan edilmiş digər hərəkətlər etmək.
4. Qeydə alınmış namizəd, siyasi partiya, siyasi partiyalar bloku Mərkəzi Seçki Komissiyasını xəbərdar etməklə, vəkil etdikləri şəxsləri istənilən vaxt geri çağıra və onların əvəzinə başqalarını təyin edə bilərlər. Belə xəbərdarlıq olduqda, vəkil edilmiş şəxsin vəsiqəsi ləğv edilir.
5. Vəkil edilmiş şəxslərin səlahiyyətləri müvafiq seçki komissiyasının onları qeydə aldığı gündən başlanır və seçkilərin yekunları haqqında məlumatın Azərbaycan Respublikasınm Konstitusiya Məhkəməsi tərəfindən rəsmən elan olunduğu gün başa çatır.