AzərbaycanRespublikası
Mərkəzi Seçki Komissiyasının
12 avqust 2003-cü il tarixli
22/148 saylı qərarı ilə təsdiq edilmişdir.

AZƏRBAYCAN RESPUBLIKASI PREZIDENTLIYINƏ NAMIZƏDIN, SIYASI PARTIYALARM VƏ SIYASI PARTIYALAR BLOKUNUN SƏLAHIYYƏTLI NÜMAYƏNDƏFƏRININ STATUSU HAQQINDA
TƏLİM AT

1. Azərbaycan Respublikası prezidentliyinə namizədin, siyasi partiyaların və siyasi partiyalar blokunun səlahiyyətli nümayəndələrinin statusu Azərbaycan Respublikasının Seçki Məcəlləsinə əsasən müəyyənləşdirilir.
1.1. Azərbaycan Respublikası prezidentliyinə namizədlər, namizəd irəli sürmüş siyasi partiyalar və siyasi partiyalarm bloku səlahiyyətli nümayəndələrini müəyyənləşdirməlidirlər. Səlahiyyətli nümayəndələr namizəd tərəfindən, siyasi partiyaların və ya bloka daxil olan siyasi partiyaların birgə iclasının qərarı, yaxud onların qurultayı, konfransı, yaxud digər rəhbər orqanı iclasının qərarı ilə təyin edilirlər. Həmin nümayəndələrdən biri maliyyə məsələləri üzrə səlahiyyətlidir.
1.2. Namizədin, siyasi partiyaların və siyasi partiyalar blokunun səlahiyyətli nümayəndələri notarial qaydada rəsmiləşdirilən vəkalətnamə əsasında fəaliyyət göstərirlər.
1.3. Səlahiyyətli nümayəndələrin siyahısı Mərkəzi Seçki Komissiyasına, maliyyə məsələləri üzrə səlahiyyətli nümayəndə istisna olmaqla, həmçinin dairə seçki komissiyasına təqdim olunur.
1.4. Səlahiyyətli nümayəndələr Mərkəzi Seçki Komissiyasından vəsiqə alırlar.
1.5. Hər bir səlahiyyətli nümayəndə öz funksiyalarını onun səlahiyyətini, soyadını, adını, atasının adını, doğum tarixini, şəxsiyyət vəsiqəsinin və ya onu əvəz edən sənədin seriya və nömrəsini, yaşayış yerinin ünvanını, iş yerini, vəzifəsini və ya xidməti vəzifəsini (bunlar olmadıqda - fəaliyyət növünü) əks etdirən, maliyyə məsələləri üzrə səlahiyyətli nümayəndə isə maliyyə sənədlərinin və həmin sənədlər üçün möhürlərin nümunələrini əks etdirən siyasi partiyaınn, bloka daxil olan siyasi partiyaların və ya siyasi partiyaların nümayəndələrinin birgə iclasının qərarı əsasında həyata keçirir. Bundan əlavə, Mərkəzi Seçki Komissiyasma təqdim edilmiş müvafiq siyahıya hər bir şəxsin səlahiyyətli nümayəndə olmağa razılıq məktubu əlavə olunmalıdır. Bu forma Mərkəzi Seçki Komissiyasının iclasında təsdiq edilir.
1.6. Səlahiyyətli nümayəndə qeydə alınmış namizədin seçilməsi ilə bağlı təşviqat apara bilər. Səlahiyyətli nümayəndələr seçicilərlə görüşlərin keçirilməsi üçün yer ayrılması barədə ərizə ilə müvafiq icra hakimiyyəti orqanına müraciət edə bilərlər. Seçkiqabağı tədbirlərin keçirilməsi üçün yararlı yer (bina, otaq) müvafiq seçki komissiyası ilə razılaşdırılan vaxtda seçicilərlə görüşlər üçün istifadəyə mülkiyyətçilər tərəfindən pulsuz verilir. Səlahiyyətli nümayəndələr ödənişli əsaslarla seçkiqabağı təşviqat materiallarının dərc edilməsi tarixini yazılı ərizələr əsasında, maraqlı şəxslərin iştirakı ilə dövri nəşrlərin redaksiyalarının keçirdikləri püşkatma yolu ilə müəyyənləşdirirlər. Səlahiyyətli nümayəndələr seçkiqabağı təşviqat materiallarının yerləşdirilməsi üçün ayrılrnış yerlərin siyahısını müvafiq dairə seçki komissiyasından ala bilərlər;
1.7. Səlahiyyətli nümayəndələr hərbi hissələrin yerləşdiyi ərazilərin hüdudlarında hərbi qulluqda olan seçicilərlə görüşləri hərbi hissə komandirinin dairə seçki komissiyası ilə birlikdə belə görüşün keçirilməsini təyin etdikləri günə azı 3 gün qalmış müvafiq seçki dairəsi üzrə qeydə alınmış bütün namizədlərin, namizədləri qeydə alınmış bütün siyasi partiyaların, siyasi partiya bloklarının mütləq dəvət edilməsi və ya onlara xəbər verilməsi şərtilə təşkil edə bilərlər;
1.8. Səlahiyyətli nümayəndələr müşahidəçi hüququna və Azərbaycan Respublikası Seçki Məcəlləsi ilə müşahidəçilərə verilən hüquq və vəzifələrə malikdirlər. Həmin şəxslər seçki komissiyasının iclaslarında, habelə səslərin hesablanmasında, məntəqə seçki komissiyalarında seçki bülletenləri, seçici siyahıları, səsvermə üçün qeydiyyatdan çıxma vəsiqələri ilə, səsvermənin nəticələri və yekunları haqqında protokollarla müvafiq işin aparılmasını müşahidə etmək və onlarla tanış olmaq, seçki komissiyalarının qərarlarının və digər seçki sənədlərinin (seçici siyahıları, səsvermə üçün qeydiyyatdan çıxma vəsiqələri, seçki bülletenləri və imza vərəqələri istisna olmaqla) surətlərini almaq, seçki komissiyalarında digər seçki hərəkətlərinin həyata keçirilməsini müşahidə etmək hüququna malikdirlər;
1.9. Nəzərə almaq lazımdır ki, dövlət və bələdiyyə orqanlarında
müəyyən vəzifə tutan səlahiyyətli nümayəndələr seçkilərin gedişi
zamanı öz vəzifə və xidməti mövqelərindən istifadə hallarına yol verə
bilməzlər;
1.10. Maliyyə məsələləri üzrə səlahiyyətli nümayəndə fəaliyyəti
dövründə üç dəfə - imza vərəqələri Mərkəzi Seçki Komissiyasına
təqdim edilərkən, seçki gününə 10 gün qalmış və seçkinin
nəticələrinin rəsmi dərc edildiyi gündən 10 gün müddətində hesabat verməlidir;
1.11. Qeydə alınmış namizəd, siyasi partiya, siyasi partiyaların bloku, müvafiq seçki komissiyasını xəbərdar etməklə səlahiyyətli nümayəndəni istənilən vaxt geri çağıra bilər və onların əvəzinə başqalarını təyin edə bilər. Belə xəbərdarlıq olduqda seçki komissiyası geri çağırılan səlahiyyətli nümayəndənin vəsiqəsini ləğv edir. Səlahiyyətli nümayəndə qeydə almış namizədi, habelə siyasi partiyanı, siyasi partiyaların blokunu xəbərdar etməklə ona verilmiş vəsiqəni istənilən vaxt öz təşəbbüsü ilə müvafiq seçki komissiyasına qaytararaq öz səlahiyyətlərindən imtina edə bilər.
1.12. Namizədin, siyasi partiyanın, siyasi partiyalar blokunun səlahiyyətli nümayəndələrinin səlahiyyət müddəti onların təyin edildiyi vaxtdan başlayır və seçkilərin yekunlarının Konstitusiya Məhkəməsi tərəfindən rəsmən elan olunduğu gün və ya siyasi partiyaların, siyasi partiyalar blokunun irəli sürdükləri namizədlərin, namizədlik statusunun itirilməsi vaxt başa çatır.