Azərbaycan Respublikası
Mərkəzi Seçki Komissiyasının
30 iyun 2003-cü il tarixli
5/39 saylı qərarı ilə təsdiq
olunmuşdur.

İmza vərəqələrinin doldurulması qaydaları haqqında

İ Z A H

1. İmza vərəqələri Azərbaycan Respublikasının Seçki Məcəlləsində qeyd edilən 2 və 2”A" saylı əlavədə müəyyən edilmiş formada Mərkəzi Seçki Komissiyası tərəfindən hazırlanır.
1.1. İmza vərəqələri doldurularkən hər bir imza vərəqəsinin yuxarı sol tərəfində imzaların toplandığı seçki dairəsinin (ərazisinin) nömrəsi və adı göstərilir.
1.2. Hər bir imza vərəqəsində namizədin soyadı, adı, atasının adı qrafasının altında namizədin doğum tarixi, əsas iş və ya xidmət yeri və ya tutduğu vəzifə (bu olmadıqda – fəaliyyət növü), yaşayış yerinin ünvanı göstərilməlidir.
1.3. Məcburi köçkünlər prezidentliyə namizəd üçün imza edərkən, yaşayış yerinin ünvanı qrafasında faktiki yaşadıqları yerin ünvanını göstərirlər. İmza vərəqəsinin pasportun və ya onu əvəz edən sənədin seriyası və nömrəsi qrafasında məcburi köçkünlərin şəxsiyyətlərini təsdiq edən və ya onu əvəz edən sənədi yoxdursa, o zaman qaçqınların və məcburi köçkünlərin işləri üzrə Dövlət Komitəsi tərəfindən müəyyən edilmiş formada hazırlanmış köçkün vəsiqəsindən istifadə olunur və qrafada rayon (şəhər) göstərilməklə köçkün vəsiqəsinin nömrəsi qeyd olunur.
1.4. Seçicinin şəxsiyyətini təsdiq edən sənəddə göstərilən yaşadığları yerin ünvanı dəyişibsə, imza vərəqəsinin yaşayış yerinin ünvanı qrafasında əvvəl şəxsiyyəti təsdiq edən sənəddə göstərilən yaşayış yerinin ünvanı, mötərizədə isə dəyişilən yeni ünvan göstərilməlidir.
2. İmza vərəqəsinin arxa tərəfində imza toplayan şəxsin imza vərəqəsində göstərilən məlumatlar ilə yanaşı, onun yaşadığı yerin ünvanı da göstərilməlidir.
2.1. İmza vərəqəsinin sonunda prezidentliyə namizədin, soyadı, аел, ачацлслс аел, şəxsi imzası və imzanın qoyulduğu tarix qrafasında, əgər, pхжйкежсчпкмз саркйзе seçicilərin təşəbbüs qrupu tərəfindən irəli sürülübsə və ya namizəd özü namizədliyini irəli sürübsə imza vərəqəsinin bu qrafası prezidentliyə namizədin özü tərəfindən imzalanmaqla təsdiqlənir.
2.2. Namizəd siyasi partiya, siyasi partiyaların bloku tərəfindən irəli sürülübsə, imza toplandıqdan sonra prezidentliyə namizəd qrafasında siyasi partiyanın, siyasi partiyalar blokunun səlahiyyətli nümayəndəsi soyadını, adını, atasının adını və imza qoyulması tarixini göstərməklə imzalayır.
3. Siyasi partiya, siyasi partiyalar bloku və yaxud seçicilərin təşəbbüs qrupları prezidentliyə irəli sürdükləri namizədin müdafiəsi üçün 45 mindən az olmayan sayda seçici imzaları toplamalıdırlar. 60-dan az olmayan seçki dairəsinin hər birinin ərazisindən azı 50 imza toplanmalıdır.
3.1. Mərkəzi Seçki Komissiyasına təqdim olunan imza vərəqələri nömrələnməli və qovluq formasında səhifələnməlidir.